Ота қарғиши ўқ экан

Ота қарғиши ўқ экан
Ота қарғиши ўқ экан


Катталарнинг айтишларича, болалигимда мени аммамнинг ўғли Музаффарга "бешиккерти” қилиб қўйишган экан. Бувим раҳматли икки фарзандининг ўртасидаги меҳр-оқибатни мустаҳкамлашга эришганидан ич-ичидан қувониб юрарди.
Аммамнинг эри яхши жойда ишлар, оиласини ҳар доим тўкис қилиб қўярди. Дастлаб бу удумга норози бўлган онам ҳам кейинчалик "Ўзига тўқ оила, қизим бир умр яхши яшайди”, деб бувимни мақуллаган экан. Музаффар мендан олти ёш катта бўлгани учун институтни тугатгач, икки йилча муҳандис бўлиб ишлади. Бу орада мен мактабни тугатдим. Охирги қўнғироқнинг эртаси куни никоҳ тўйимиз бўлди.


Қайнанам мени еру кўкка ишонмасди. Бувим ҳар сафар меҳмонга келганида, "Дилшода — тўнғич неварам, у хафа бўлса, менинг еган ичганим татимайди, ҳаловатим бузилади”, дейишини канда қилмасди. Бахтли яшай бошладим.

Афсус, бир кам дунё экан. Фарзандли бўлмадик. Бормаган жойимиз, кўринмаган дўхтиру табибимиз қолмади. Айримлар бунга яқин қариндошлигимиз сабаб эканини айтишди.

Эрим иккимиз ҳаётимизни бир-биримизсиз тасаввур қила олмасдик. Тақдирга тан бериб яшай бошладик. Лекин қайнатам ўғлига, хотинингдан ажрашиб, қайта уйланмасанг, бола-чақали бўлмасанг, сени бор меросдан маҳрум қиламан, деб қатий талаб қўйибди. Шундан кейин иккимиз буюмларимизни йиғиштириб, уйдан бош олиб кетдик.

Буни қарангки, барибир ота қарғиши ўқ экан. Ишларимиз тескари кетди. Бир амаллаб уй-жой қурдик. Турмуш ўртоғимнинг сиқилишлари беиз кетмади. Юраги тез-тез хасталаниб, ётиб қолди. Биздан ҳеч ким хабар олмай қўйди. Қайнатам бор мол-мулкини кичик ўғлига хатлаб берганини эшитган хўжайиним баттар тутоқди. "Дадам аччиқ устида гапирди, барибир мени кечиради”, деб юрганди. Ундай бўлиб чиқмади. Қайнатам сўзида туриб олди.

Музаффар акам ҳам қайсарликда отасидан қолишмайди. У ҳам "Хотинимдан ажрашганимдан кўра ўлганим афзал!” деб, тўнини тескари кийиб олган. Аммо аҳволимиз кундан-кунга оғирлашиб боряпти. Мен учун ўзимнинг ҳаётимдан кўра эримнинг соғлиғи муҳимроқ. "Дадангиздан кечирим сўранг, оилангизга қайтинг, мен билан ажрашинг, бир кунимни кўриб кетаман” десам, "йўқ” деб оёқ тираб туриб олган. Нима қилишниям билмай қолдим…

Совчилик

Ҳамма нарсани олдиндан режалаштириб қўйдим, маҳмадона дўстим мени энг қўли гул сартарошнинг олдига бошлаб борди. Сартарош сочимни қирқиб, калталаб, юзларимни уқалагани учун арзимас хизмат ҳақи сўради. Кейин кумушранг тўғноғичли, оч қизил ранг қимматбаҳо бўйинбоғ сотиб олдик. Бу ишлардан кейин кўзгуга қараб, ўзимни таниёлмадим, рўпарамда умуман...

Сиздан эмас, Oллохдан сурадим!

Саудиядаги муаллималардан бири хикоя килади: - Мактаб (мадраса)лардан бирида ички буфет - магазинни юритар эдим. Муаллималар, укувчи кизлар кундалик еб-ичиш, когоз-каламларни шу ердан харид килишар эди......

Кетту...

Сабр қил юрак, сўндирмай тилак,  бўғизламай умидим қайта ва қайта. У жонсиз хануз, шундоғам бехол, нималарга чидаб ўтмади  кутиб. Мен борман десин, сўндирмам десин, ишонгин  хечкимга сени   бермайман десин. Унсиз нигохим, термулган кўзим,  шундай  бир инсонни кутари бўлдим......

Якинда мусулмон булган бир яхудий хикоя килади

«Бир мусулмон инсон билан шерикликда анча йиллар тижорат билан шугулландик. Ишимиз жуда катталашди. Катта фойдалар килдик. Вакти келиб, иккимиз ажралишга карор килдик. Уртадаги молимизни хисобладик......

ЖАННАТ КИЗИ…

Бир… Икки… Уч… Юзгача санасам, уйкуга кетаман… кирк… кирк бир… Ха, уйку мени хаммасидан куткаради… Еллик уч… Еллик торт… Мен абадий уйкуга кетаман… Абадий уйку — барча захматларим учун берилган мукофот…...

___ҲАЙРЛИ РИЗҚ___ИБРАТЛИ ҲИКОЯТ...

... ~ Кундалик ризқини ҲАММОЛЛИК орқали топувчи бир йигит намозларида: -— "Ё Раббим, менга нима берсанг ҳам «ҲАЙРЛИ»сини бер... Бир бурда нон бўлса ҳам ҳайрлисидан насиб эт", ~ деб дуо қилар экан... Ҳаммолнинг мудом бир хил дуони такрорлайвериши атрофдагиларнинг этиборини тортибди......

Поччамни умр йўлдошим, дея олмайман”

Поччасига турмушга чиққан қизнинг кечинмалари Бугунги куним ҳам гап эшитишдан бошланди. Сабаби... бир қарашда оддийгина, у кийиши керак бўлган кўйлакнинг ўрнига бошқасини дазмоллаб қўйганим... Йўқ, сабаб кўйлакда эмас, беш дақиқада унинг истаганини тахт қилиб беришим мумкин, аслида ҳамма гап яраланган кўнгилларимизда... ...

Ажрашишдан воз кeчтирган сўз

Сўнгги пайтлар у аёли билан ҳеч яхши чиқишолмасди. Уйда ҳар куни арзимаган сабаблар билан тортишув бўларди. Булардан безор бўлган эр ажрашишни истарди. Оиладаги нотинчлик туфайли қудаларнинг ҳам орасига совуқчилик тушганди....

ШАЙТАНАТ… (6-қисм. Биринчи китоб)

— Бекорга қўйиб юбординг. Тинчитиш керак эди, — деди Ҳайдар, бармоқларини қисирлатиб. Унинг одатини билмаган киши ҳозир мушт урганда панжалари чиқиб кетган экан, энди жойига соляпти, деб ўйлаши мумкин. Бармоқларини қисирлатиш — асабийлашаётганидан дарак. Асадбек уч нарсага тоқат қилолмайди: лаганга қошиқ ёки санчқи тегиб тарақласа, ёнидаги одам...

Етти кунлик бахтим, етти йиллик армоним...

"Ҳар гал сизга хат ёзаман-у, ўзим ўқиб, ўзим йиртиб ташлайвераман. Жўнатишни истамайман. Чунки уларнинг ҳар бирига кўз ёшларим қоришиқ. Сиз эса йиғлаганларни ёмон кўрасиз. Бир марта «Йиғлаганингни кўрмай, йиғлаганларни ёмон кўраман», дегандингиз. ...

Фикр қўшиш