ЯЛТИРАГАН ҲАР НАРСА ОЛТИН БЎЛАВЕРМАС ЭКАН...

ЯЛТИРАГАН ҲАР НАРСА ОЛТИН БЎЛАВЕРМАС ЭКАН...
ЯЛТИРАГАН ҲАР НАРСА ОЛТИН БЎЛАВЕРМАС ЭКАН...


Оилада тўрт фарзанд эдик: уч опам ва мен. Уч қиздан кейин дунёга келганим сабабми, ёки битта ўғил бўлганим боисми, хуллас, уйимизда ҳамма менинг кўнглимга қарарди.
Ўн олтига киргунимгача эркатой бўлиб юрдим. Раҳматли отам мен учун ҳамма нарсани муҳайё қиларди. Совуқ қиш кунларининг бирида отам юрак хуружи туфайли тўсатдан оламдан ўтди. Бу кўргуликдан анчагача ўзимга келолмай юрдим. Нима бўлганда ҳам кўникишга мажбур эдим.

Онам ва опаларимни ўйлаб, оз бўлса-да, рўзғорга фойдам тегсин, деб ўқишдан сўнг қариндошимизнинг дўконида сотувчилик қила бошладим. Уч йил кўз очиб юмгунча ўтиб кетди.

Коллежни тамомладим. Институтга ҳужжат топшириш ўрнига ижарага дўкон олдим. Икки йил деганда ўзимизни тиклаб олдик. Энди ҳаётимиз анча яхши томонга ўзгара бошлади.

Шу орада Шоҳиста опамни турмушга бердик. Сўнг онам ва қариндошлар мени уйлантириш пайига тушиб қолишди. Ўзимга қолса ҳали бир-икки йилсиз уйланиш ниятим йўқ эди. Бироқ, онамнинг «Кўзим очиқлигида невара суйишни ҳоҳлайман. Қачонгача келишингни кутиб, зерикиб ўтираман. Отанг раҳматли бўлганида аллақачон уйлантириб қўярдик» деган гапларидан кейин розилик бердим.


Уйдагилар ва қариндош-уруғ қиз излашга тушишди. Мана энди ҳаётнинг ширин, шу билан биргаликда анчайин жиддий ва масулиятли дақиқалари бошланаётганди. Тўғри-да, бир умр бирга яшайдиган тан маҳрам, йўлдош танлаш масаласи, менимча, ҳар қандай манаман деган йигитни ўйлантириб қўйса керак. Менга ёққанига ўзим мақул келмайман ёки уйдагилари беришмайди. Хуллас, қиз қидириб, икки-уч ой овора бўлдик.

Ва ниҳоят, онамнинг дугонаси Раҳима ҳоланинг қўшниси Нафиса исмли қиз билан бир-биримизга мақул келдик. Ҳижоб ўраган, оппоққина бу қиз биринчи учарашувдаёқ менга ёқиб қолди. Унинг ҳижобда эканлигидан иболи, ҳаёли, оқила қиз бўлса керак деб ўйладим. Ҳатто, суюнганимдан ўз бахтимни топиб бергани учун Раҳима холага тўйимизда бошдан-оёқ сарпо қилишга вада бердим. Шу тариқа не орзу-умидларда тўй қилиб, элга ош бердик. Бир ойларча бахтли ҳаёт кечирдик.

Тўйдан бир ойлар чамаси вақт ўтгач, Нафиса турли арзимаган баҳоналар топиб, жанжал чиқара бошлади. Менга ва онамга бўлган муносабати ёмон томонга ўзгараверди. Бора-бора бизни ҳурмат қилмай қўйди. Ҳатто, уй ишларини ҳам бутунлай онамга юклайдиган бўлди.

Мен-ку майли, лекин онамга қилган муносабатини кўриб, у билан ажрашишга қарор қилдим. Шу пайтгача кўзимга оғир-вазмин, иболи, ҳаёли бўлиб кўриниб юрган бу «ҳижобли фаришта» аслида ниқобдаги ялмоғиз эканлигини кўрсата бошлади.

Бир-икки марта ота-онасини чақириб, вазиятни ётиғи билан тушунтирдик. Улар ҳам қизларини койиб, маслаҳат бериб кетишди. Ахир, ҳар бир ота-она фарзандининг бахтини истайди. Бироқ уринишимиз фойда бермасди. Нима қилишни билмай, бошимни чангаллаганча ўйга толардим.

Бир куни Нафиса билан ажрашишга, ортиқ ўзимни ҳам онамни ҳам қийнамасликка қарор қилдим. Бироқ, онамнинг «Сабр қил ўғлим инсоф бериб, ўзига келиб қолар, маҳалла-куй олдида мени шарманда қилма» дея ҳўнг-ҳўнг йиғлаши Нафиса билан ажрашишга имкон бермади.

Онам бечора менинг пешонамга ажрашган деган тамға ёзилишидан қўрқиб яшарди. Шунинг учун келинидан қанчалик зуғум кўрмасин, ҳаммасига чидарди. Нафисанинг ҳарҳашаларига чидаш, ҳатто, эркак бўла туриб базида менга оғирлик қиларди.

Бу ҳаётнинг синови эканлигига, ҳали ҳаммаси изига тушиб кетишига ишониб Нафиса билан салкам уч йил яшадим. Шу орада қизим Нигина туғилди. Унинг туғилиши оиламизга қувонч олиб келди. Онам ҳам, мен ҳам бундан бениҳоя суюндик. Энди Нафисага инсоф кириб қолар, деб ўйладик.

Йўқ, бундай бўлмади, у мени ва онамни беҳурмат қилгани каби ўз фарзанди, яни қизимиз Нигинани ҳам қадрламас, унга меҳрсиз эди. Жигарбандига бу қадар беэтибор ва меҳрсиз онани биринчи марта кўришим. Бўлди ортиқ сабрим етмасди. У билан ажрашишга қарор қилдим, онамга ҳам ётиғи билан тушинтириб, вақт борида Нафиса билан орани очиқ қилиш кераклигини, кейин кеч бўлиши мумкинлигини уқтирдим. Шундай қилиб, Нафиса билан ажрашдим.

Унинг қизимизга бўлган салбий муносабати юзасидан судга ариза бериб, Нигинани ўзим билан олиб қолдим. Нафиса оналик ҳуқуқидан маҳрум этилди. Лекин у бундан заррача ҳам ачинмади, тушкунликка ҳам тушмади. Ҳатто хурсандчилигини яширмай, суд залидан «Энди эркин қушман, билганимдай яшайман» дея кулиб чиқиб кетди.

Инсонинг ташқи кўринишига, кийинишига қараб баҳо бериб бўлмаслиги менинг ҳаёт йўлимда ўз исботини топди. Ташқи кўриниш алдамчи бўлишига яна бир бор амин бўлдим. Зеро, «ялтираган ҳар нарса ҳам олтин бўлавермайди» деган мақол бежиз айтилмас экан.

Бошимга тушган кўргиликларни ҳеч бир йигитга раво кўрмайман!

Хикоя: Яхшилик уруги

— Манзура, нима килдик, молжалимизга йетмаса хам кечаги харидорга «майли» деймизми? — деди Рустам хотини идиш-товокларни ювиб, чой дамлаб келганидан сонг. — Билмасам, дадаси… — Манзуранинг хам фикру хайоли озида емаслиги унинг юз-козларидан билиниб турарди. — Оттиз минг доллар дейишгани билан, барибир, бир-икки сом пул йонингизда хам болиши...

ТУЙҒУЛАР

Қадим замонда туйғулар макон тутган орол бор эди. Улар Бахт, Қайғу,Билим, Севги ва бошқалар бўлиб, бир пайт орол чўкаѐтганлиги ҳақида хабар келди. Шу заҳоти ҳаммаси оролдан кетиш пайида қайиқларни ҳозирлашди. Бу оролда фақатгина Севги ѐлғиз қолиб, сўшти дамларини шу маконда ўтказишни истади. Аммо орол сувга ғарқ бўлаѐтганини кўргач, ѐрдам сўрашга...

Ҳасан Басрий ҳазратларининг ҳузурларига бир киши келиб:

– Эй имом! Менинг бир қизим бор, кеча-ю кундуз йиғлаб кўзлари кўр бўлди. Бир келиб бунга бир чора кўрсангиз – деди. Ҳасан Басрий ҳазратлари рози бўлдилар ва келдилар. Сўнг қизга: – Қизим, нимага йиғлаяпсан?...

ҲУРЛАР РЎЗАДОРНИНГ ЗИЁРАТИГА МУШТОҚ

ҲУРЛАР РЎЗАДОРНИНГ ЗИЁРАТИГА МУШТОҚ Ҳазрати Оиша розияллоҳу анҳодан ривоят қилинади: Набий соллаллоҳу алайҳи васаллам шундай дедилар: "Қачонки, банда рўзадор ҳолида тонг отдирса, унинг учун осмон эшиклари очиб қўйилади ва унинг аъзолари тасбеҳ айтверади ҳамда дунё осмонидаги фаришталар унинг учун истиғфор айтаверадилар. (Бу жараён) қуёш ботишига...

ЖАННАТГА ЙЎЛ (ҲИКОЯ)

Тўрт соатдан бери бир пайтлар йўл бўлган, ҳозирда унинг ўрнини тошлоқ эгаллаган чанг кўчадан яёв кетмоқдаман. Бундай кўча чангитиб, пиёда юришимга бардошим ёки хасислигим сабаб бўлганлигини ҳозир хотирлай олмайман. Аммо олдимга келиб тўхтаган автобусга атай чиқмай, бирорта деҳқон аравада манзилимга бепул етиб олишни ният қилганим рост. Пиёда...

Киз деб танишганим огил бола екан…

Хозирги кунда интернет фирибгарларига сув тушиш холтлари тобора копайиб бормокда. Кимдир очик-сочик суратларингни ижтимоий тармокларда таркатиб юбораман, деб коркитса, кимлардир еса озини киз бола деб таништириб, бирор йигитнинг ишончига киради ва шу йол билан товламачилик килади. «Севимли» телеканалининг «Замон» ахборот-тахлилий дастурида намойиш...

Ниятим амалга ошганидан афсусдаман

Яратган сизга фарзанд ато этади, бирок унинг жинсини сиз режалаштиролмайсиз, хатто у соглом тугиладими-йукми, буниям билиш мушкул масала. Атрофга назар ташлаб, буткул соппа-сог одамлар хам ногирон, бирон жойи кемтик фарзандлар куришганининг гувохи булганман. Бунга балки кандайдир сабабларни рукач килиб курсатиш мумкиндир (масалан, якин кариндошлар...

Каддафи яратган мўжиза унинг ўз бошига етдими?

НАТО ҳужумидан вайрон бўлган Ливия пойтахти Триполида бу мағлубиятдан завқ-шавққа тўлиб тантана қилаётган ливиялик исёнчилар ўртасида миш-миш тарқалди. Эмишки, полковник Каддафи бутун мамлакат бўйлаб ер остидан тортилган улкан сув қувурлари ичида яшириниб, жон сақлаётган экан. Сув келтирган эмас, кўза синдирган азиз Гап бу ерда Каддафи ҳукмронлиги...

Хикоя: Соябонли бахт

Авжи саратон. кок туш вакти. Кочада деярли хеч кимни топмайсиз. Хамма иссикдан кочиб, озини соя-салкинга урган. Айни шу вактда ишга боришим керак. Йигирма дакикача пийода юрсам ишхонамга йетиб оламан. Йолимда баланд, чиройли бинолар, янги курилишлар коп, аммо дарахт йок. кани енди шу коча кета-кетгунча дарахтзор болса, деб ойлайман…...

Захар кучи

Бир оилада куп жанжал булар, эри хотинини муросага келтириши жуда огир экан. Эр хотиндан, хотин ундан тинимсиз нолир экан. Кунлардан бир кун улуг табиб олдига бориб эридан куп хасрат килибди ва бир захар беришини сурабди, шояд шу захарни эрига бериб ундан кутулса…...

Фикр қўшиш