Тушда хажга борса нима булади
Тушда хажга борса нима бўлади. Бирор киши тушида ҳаж қилганини ёки зиёрати учун муқаддас жойларга борганини кўрса, турли муаммолари, азобларидан халос бўлади. Туш кўрган кишининг аҳволи ва мартабасига қараб таъбирлар турлича бўлади. Аёл кишининг ҳажга ёлғиз кетганини кўриши никоҳи бекор бўлишини билдиради. Ҳаж пайтида ҳаж зиёрати учун йўлга чиққанини кўрган киши бўшатилган лавозимига қайта тайинланади.
Тушда хаж сафари
Агар бу киши сафарга чиққан бўлса, соғ-саломат йўлида давом этади. Тижоратчи бўлса, яхши фойда кўради. Бемор бўлса, дардига шифо топади. Қарздор бўлса, қарзини узади. Ҳажга борган бўлса, ҳаж зиёрати насиб этади. Ҳажи чала қолган кишининг ишида нуқсон борлиги англашилади.
Тушда хаж зиёрати
Ҳажга яёв кетганини кўрган кишининг насибаси кўпаяди, мўл даромад қилади. Ҳаж зиёратидан келганини кўрган кишининг мушкули осон бўлади, касал бўлса, соғаяди. Ҳажга ёлғиз кетаётганини, кишилар билан хайрлашганини кўрган киши вафот этади. Тушида ҳажарул асвадни кўриш ҳаж зиёратига боришга ишорадир. Ҳажарул асвадга қўл теккизганини кўрган кишига ҳам ҳаж зиёрати насиб этади. Ҳажарул асвадни жойидан олиб, ўзи учун келтириб қўйганини туш кўрган киши бидъатга йўл қўяётган бўлади.
ҲАЗРАТ АЛИ
ТушдаҳазратАлини кўриш хосиятлидир. Хушхабар рамзидир. Тушда ҳазрат Алини кўриш душманлардан устун келиш, эътиқодининг мустаҳкамланиши, сахийлик демакдир. Тушда ҳазрат Алини кўрган кишининг илми ва ризқи зиёда бўлади, тақводор ва мард инсонга айланади.
ҚЎРҚИШ
Тушда қўрққан киши ўнгида ишончли ҳимояда бўлади. Сабаб бўлмаган ҳолда кўрққанини кўрган киши тақводор бўлса, Аллоҳнинг дўстидир. Унинг меҳрини қозонади. Туш- даги қўрқув яхшиликка ноўриндир. Нохуш вазиятлардан қутулишни кўрсатади. Бунда руҳий безовталик бўлмаслиги шарт. Тўқ қорин билан ётмиш ва асабнинг бузилиши сабаб бўлган қўрқувларга бундай таъбир тааллуқли эмас.
ҚЎТОС
Тушда қўтос кўриш азобларга бардош берадиган ҳеч кимдан қўрқмайдиган баҳайбат мард кишига ишорадир. Урғочи қўтос кўришнинг таъбири қорамолларники сингари.
ҲОВУЗ
Тушда кўрилган ҳовуз маданиятли, оқила, комила аёл рамзидир. Сахий, ҳаммага нафи тегадиган киши ҳам ҳовуз орқали билдирилади. Ҳовузда сузганини кўриш қийинчиликка ишорадир. Шунингдек, бу ҳолат бой кишининг ёнида яшаш, деб ҳам таъбир қилинади. Ҳовуздан сув ичган ёки таҳорат олган киши азоблардан қутулади, буюк инсондан мадад олади. Ҳовузнинг қурганини кўриш сахий кишининг вафотига; ҳовузнинг тўлиб-тошганини кўриш бойликка ишорадир. Ҳовуз қаздирганини кўрган кишининг дастурхони ҳаммага очиқ бўлади. Ичида ҳовузи бўлган хонани кўриш фаровонлик, эҳтиёжларининг қондирилиши; яхши турмуш ўртоқ демакдир.