Кутинг, Она, ёнингизга бораяпман! узбекча шер

Кутинг, Она, ёнингизга бораяпман!
Кутинг, Она, ёнингизга бораяпман!

Она, Дунё ташвишидан ҳорияпман
Вақт бешафқат дея гоҳи нолияпман,
Билиб-билмай, бағритош боп қолаяпман,
Кутинг, Она, ёнингизга бораяпман!

Мен бахтлиман бағрингизда Она фақат,
Далли Дунё айтганимдай кўп бешафқат,
Осмон олис, замин заранг, анқодир Бахт,
Озор топиб, уваланиб, нураярман,
Кутинг, Она, ёнингизга бораяпман!

Кўкка қўлим чўзсам қаранг етмаяпти,
Ҳасратимни ерга айтсам ютмаяпти,
Сизсиз ҳатто ичган сувим ботмаяпти,
Дийдорингиз оловида ёнаяпман,
Кутинг, Она, ёнингизга бораяпман!

Сизсиз менга бу Дунёнинг завқи нима,
Сиғмас сизсиз базму жамшид бу кўнглима,
Ташвишларим тўсиқ бўлманг, сиз йўлима,
Она, сизсиз япроқ каби сулаяпман,
Меҳр истаб, ёнингизга бораяпман!

Дил қатига олис дамлар ҳиссин солиб,
Умрингизни Ҳақдан сўрай минг ёлвориб,
Ситамлардан ситилган шу жонни олиб,
Жаннатдайин бағрингизни қумсаяпман,
Кутинг, Она, ёнингизга бораяпман!

Фикр қўшиш