Meni yomon ko'rgan odamlar... uzbekcha she'r

Ichida it hurgan odamlar,
Aybim izlab yurgan odamlar,
Sizga yordam bergim keladi,
Meni yomon ko'rgan odamlar...

Kimga nomu nishonim yoqmas,
Yo Bag'dodim, Qo'qonim yoqmas,
Erta olgan unvonim yoqmas,
Meni yomon ko'rgan odamlar...

Davrangizga kira olmayman,
Kirsam ko'nglim yora olmayman,

Sizga talant bera olmayman,
Meni yomon ko'rgan odamlar...

Osay deysiz, sirtmog'ingiz yo'q,
Uray deysiz, to'qmog'ingiz yo'q,
O'ladigan axmog'ingiz yo'q,
Meni yomon ko'rgan odamlar...

Sizga uka, aka, jo'raman,
Duoingiz qilib yuraman,
Men sizlarni yahshi ko'raman,
Meni yomon ko'rgan odamlar...

Mushuk yotar – sher hayolida,
Kiyik tutib yer hayolida,
Men yurovdim she'r hayolida,
Meni yomon ko'rgan odamlar...

Bolangiz yurt uchun yashasin,
Dushmanga xam jonin to'shasin,
Farzandingiz menga o'hshasin,
Meni yomon ko'rgan odamlar !!!