Muhabbatga sevgi haqida she'r

Kechikding muxabbat, endi kechikding.
Senga deb atalgan yuragim o'lgan.
Ketaver, sen uchun endi nima bor?
Umiding uzaver, sabrim xam to'lgan.

Chaqirsam kelmading, yalinib o'tdim,
Birgina vaslingni ravo ko'rmading.
Aldading sarobga to'g'rilab vaslim,

Bir bora kimsan deb xolim so'rmading....

Kelasan, ketasan, himmating o'rab.
Men yomon ortingdan la'nat olaman.
Na borsan, na yo'qsan, arosatmisan?
Ketaver bir o'zim tanxo qolaman...

Mehrga to'ymadim, kelmadi raxming.
Armondan egildim, qilmading shavqat.
Ketaver, Egamga tavakkal qildim,
Yo'lingdan qolmagin endi muxabbat.

Mehrimdan so'rayman endi qadrimni,
Do'stim bor yagona, ruhdan ko'nglim to'q.
Ne kerak bilaman ikki olamdan,
Ketaver muxabbat, senga ishim yo'q...