Sevsangiz jondan seving... sevgi haqida she'r

Sevsangiz jondan seving...
Sevsangiz jondan seving...

Sevsangiz jondan seving, so'ngida jon qiynalmasin,
Bemexrga duch kelib, bir mexribon qiynalmasin.

Xech bir oshiq kuymasin ishq o'tida devonavor,
Unga yor bo'lsin sadoqat, xech qachon qiynalmasin.

Sevgi bo'stoni vafo birla bezansin bir umr,
Tushmasin bog'ga g'uboru, bog'bon qiynalmasin.

Sen ko'tar osmon qadar yorni munosib bo'lsa gar,
Ketsa ox cheksin zaminu osmon qiynalmasin.

Biz-ku mexmon bir-birovga, honadondur bu vatan,
Bir-birovni qiynamaylik, honadon qiynalmasin.

Soxibi shondur muxabbatda vafoli bo'lsa yor,
Yorga baht bahsh aylagan soxibi shon qiynalmasin.

Oshiq shoirga o'zing jonu jaxonsan, dilbarim,
Qiynama, bir men emas — jonu jaxon qiynalmasin.



Fikr qo'shish