Tushda xojat qilsa nima bo‘ladi

Tushda xojat qilsa nima bo‘ladi-tushda hojatga chiqqan kishi qiyinchiliklardan qutuladi.  Boy-badavlat kishi bo‘lsa, zakot beradi. Tabiiy ehtiyoj qondirilayotgan joy hojatxonaga o‘xshagan joy bo‘lsa, zarurati uchun ishlatadigan narsasi shar’iy bo‘lishiga ishoradir. Agar noma’lum joy bo‘lsa, puli behuda sarflanadi. Bir yerda bo‘shanib, ustini tuproq bilan yopganini ko‘rgan kishi dunyoviy azoblardan xalos bo‘ladi, afvga erishadi.

HOJATGA CHIQISH
Tushida hojatga chiqqanini ko‘rgan kishi azoblardan qutulib, ro‘shnolik ko‘radi. Yoki farzandi o‘qib dinshunos olim, qori bo‘ladi. Hojatga chiqqanini ko‘rgan kishi musofir bo‘ladi. Musofir bo‘lsa, yurtiga qaytadi. Bemor bo‘lsa, shifo topadi. Hojatxona, quduq yoki noma’lum bir joyga bo‘shanganini ko‘rgan kishining qo‘liga pul tushadi.

Biror joyda bo‘shanib uning ustini yopgan kishi boyligini o‘zgalardan yashiradi. Biror kishining badaniga yoki kiyimiga tegsa, gunohga botadi. Kiyimiga qon tekkanini ko‘rgan kishining qo‘liga harom mol tushadi. Hayvonlarning bo‘shanayotganini ko‘rgan kishining qo‘liga pul tushadi. Bulg‘angan joyga o‘tirish yaxshilikka yo‘yilmaydi.

G‘AMGINLIK
G‘amginlik gunoh qilish, deb ta’bir qilinadi. Ba’zi ta’birchilar tushida xafa bo‘lgan kishi o‘ngida quvonadi, deb hisoblaydi.

G‘OR

Tushda g‘or ko‘rish insonning ishonadigan kishisiga ishoradir. G‘or ko‘rish yangi lavozim va azoblardan qutulishga ishora bo‘ladi. Tushida g‘or ko‘rgan kishi kasal yoki tutqun bo‘lsa, bulardan qutuladi. Tushda ko‘rilgan g‘or vahimadagi kishi uchun huzur halovatdir.

G‘AM

Biror kishi tushida o‘zini g‘amgin ko‘rsa, xushxabar eshitadi. Hayoti izga tushadi. Ba’zi ta’birchilar tushda o‘zini qayg‘uli ko‘rgan kishi katta gunoh qilgan va buning uchun qattiq pushaymon bo‘ladi, deb hisoblaydi. Tushida g‘amlari arigani, ulardan qutilganini ko‘rgan kishi gunohlari uchun tavba qiladi.

Tabir - bashorat emas, barcha narsani bilguvchi yagona zot Allohdir.