Xurshid Rasulov - Asragil
Xurshid Rasulov - Asragil Текст песни
Bosh egdim yolvorib, bosh panoh o‘zing,
Bugun holimizdan chin ogoh o‘zing.
18 ming olamga podishoh o‘zing,
Bandalaring bordur iymonlari sog‘,
Shafqat qil, olamni asragil, Alloh.
Shaytonga ustozlik qilguvchi ham bor,
O‘zini sendan zo‘r bilguvchi ham bor,
Yig‘lagan oshiqdan kulguvchi ham bor,
Shularning jaddiga qo‘yma bizni, oh,
Oh, hoji onamni asragil, Alloh.
Muxaddislar yurti, qadamjo haqqi,
Iymonboylar qilgan pok duo haqqi,
Habibing Muhammad Mustafo haqqi,
Har sahar tiriklik chirog‘ini yoq,
Joynamoz dalamni asragil, Alloh.
Asragil, asragil, asragil Alloh,
Shafqat qil, olamni asragil, Alloh.
Asragil, asragil, asragil Alloh,
Tasbehdek teribsan sayyoralarni,
Quyosh atrofida parvonalarni.
Mehringdan ayirma devonalarni,
Kaftimdagi shamni asragil, Alloh,
Begunoh bolamni asragil, Alloh.
Yo‘lingdan ozganlar bir kun qayturlar,
Istig‘for ayturlar, tavba ayturlar.
Qoraygan yuzlarga bergaysan nurlar,
Tavba eshiklaring ochiq va mushtoq,
Do‘stimni, og‘amni asragil, Alloh.
Muxaddislar yurti, qadamjo haqqi,
Iymonboylar qilgan pok duo haqqi,
Habibing Muhammad Mustafo haqqi,
Har sahar tiriklik chirog‘ini yoq,
Joynamoz dalamni asragil, Alloh.
Asragil, asragil, asragil Alloh,
Begunoh bolamni asragil, Alloh.
Asragil, asragil, asragil Alloh,
Do‘stimni, og‘amni asragil, Alloh.
Rasulning hadisin so‘ylaydi otam,
Har nafasda isming qo‘ymaydi otam,
Qiyomat kuningni o‘ylaydi otam,
Hikmatda hotamni asragil, Alloh,
Duogo‘y otamni asragil, Alloh.
Rahmon o‘zing yana qahhor ham o‘zing,
Mushfuq o‘zingsanu, jabbor ham o‘zing,
Robbim deganlarga g‘affor ham o‘zing,
Kechirgil Iqbolni, qulingni billoh,
Bechora odamni kechirgin, Alloh,
Ohbani odamni kechirgin, Alloh.
Asragil, asragil, asragil Alloh,
Duogo‘y otamni asragil, Alloh.
Asragil, asragil, asragil Alloh,
Ohbani odamni asragil, Alloh.
Asragil, asragil, asragil Alloh,
Joynamoz dalamni asragil, Alloh.