Ozodbek Nazarbekov - Bizlarni afv et
Ozodbek Nazarbekov - Bizlarni afv et Текст песни
Biz qudrating oldida bechoramiz, rost,
Kutilmagan ko‘rinmas baloni daf et.
Sonsiz gunohlar uchun olmagin qasos,
Bizni afv et yagonam, bizlarni afv et.
Toju-taxt, dunyo talash odamzod uchun,
Baloning ham tojdorin yubording bu kun.
Ahvolimiz ayanchli, holimiz yupun,
Bizni afv et yagonam, bizlarni afv et.
Osiylarga yuborgan ajdaringmi bu?
Yo g‘ofil qalbga sanchgan xanjaringmi bu?
Nopoklikka qarshi yo lashkaringmi bu?
Bizni afv et yagonam, bizlarni afv et.
Yagonam, yagonam, bizlarni afv et,
Yagonam, yagonam, bizlarni afv et.
Yagonam, Ollohim, bizlarni afv et,
Afv et, afv et.
Chigal dunyo ishlarin yecholmas bir bek,
Davosiz dardga sensiz qo‘yolmaydi chek.
Bizni afv et yagonam, bizlarni afv et.
Yerda ulovlar, ko‘kda uchoqlar qani?
To‘y-bayramga atalgan o‘choqlar qani?
Mehr bilan ochilgan quchoqlar qani?
Bizni afv et yagonam, bizlarni afv et.
Yagonam, yagonam, bizlarni afv et,
Yagonam, yagonam, bizlarni afv et.
Yagonam, Ollohim, bizlarni afv et,
Afv et, afv et.
Afsus, seni unutib, shodon bandangmiz,
Biz notavon, biz noshud, yomon bandangmiz.
Faqat g‘amda eslovchi, nodon bandangmiz,
Bizni afv et yagonam, bizlarni afv et.
Tushda maktabin ko‘rib, bolam uxlaydi,
Onajonim bag‘rimda bag‘rin tig‘laydi.
Ko‘ngli masjid kabi bo‘sh otam yig‘laydi,
Bizni afv et yagonam, bizlarni afv et.
Yagonam, yagonam, bizlarni afv et,
Yagonam, yagonam, bizlarni afv et.
Yagonam, Ollohim, bizlarni afv et,
Afv et, afv et.
Buni sensiz eplolmas mohirlaring ham,
Taqdir deb jim, har nega qodirlaring ham.
Botirligin unutdi botirlaring ham,
Bizni afv et yagonam, bizlarni afv et.
Dardlar yosharib borar, orzular qarib,
Bu kun suratlar go‘zal, siyratlar g‘arib.
Huzuringga bosh urdik, najot axtarib,
Bizni afv et yagonam, bizlarni afv et.
Yagonam, yagonam, bizlarni afv et,
Yagonam, yagonam, bizlarni afv et.
Yagonam, Ollohim, bizlarni afv et,
Afv et, afv et.