Aziza Nizamova va Shuhrat Zokirov - Bir kami to’lmagan dunyo

Aziza Nizamova va Shuhrat Zokirov - Bir kami to’lmagan dunyo Текст песни

Yo‘lim tushdi bir yaxshi, bir yomonlarga,
Hayronaman bunday ajib zamonlarga.
Boshim olib ketay qaysi tomonlarga?
Bir kami to‘lmagan dunyo.

Vayronaman yorning xiyonatlaridan,
Pora qalbim do‘stning jinoyatlaridan,
Aqlim lol bu turfa sinoatlaridan,
Bir kami to‘lmagan dunyo.

Telba dunyo, beor dunyo, tor dunyo,
Kimga dushman, kimga do‘stu-yor dunyo.
Yana qanday sinovlaring bor, dunyo?
Bir kami to‘lmagan dunyo. (x2)

Yana ezar mening yuragimni firoq,
Dil qorong‘u, yorishmaydi yoqsa chiroq.
Baxt yo‘li bizdan nega buncha yiroq?
Bir kami to‘lmagan dunyo.

Qanot yozib, uchmoqlikka qo‘ymaydiya,
To‘yib baxtni quchmoqlikka qo‘ymaydiya,
Armonlarim yurak-bag‘rim tirnaydiya,
Bir kami to‘lmagan dunyo.

Telba dunyo, beor dunyo, tor dunyo,
Kimga dushman, kimga do‘stu-yor dunyo.
Yana qanday sinovlaring bor, dunyo?
Bir kami to‘lmagan dunyo. (x2)