Akbarali Ochilov - Binafshani sog’inib
Akbarali Ochilov - Binafshani sog’inib Текст песни
Binafshani sog‘indim-ey,
Ochilmaydi qatlari.
Muncha uzun poyonsizdir
Sovuq qishning hadlari?
Dovdir yellar keltiradi
Qishning achchiq zahrini,
Bahor uzra tinmay hamon
Ayoz to‘kar qahrini. (x2)
Bo‘zto‘rg‘aylar osmoniga
Qarg‘a-quzg‘un joylanmish,
Boychechagim qaylardadir
Binafshaning mushtchalari
Tugilgani tugilgan,
Yelkasida kulrang osmon
Ipdek qaddi bukilgan. (x2)
O‘tgan yilning yaproqlari
Bog‘lar ichra chirindi,
Mening behad toza bog‘im
Bugun mungli ko‘rindi.
Xazon aro ko‘ksin yog‘ir
Maysalar nish urmasmi?
Kechga qolgan turnalarim
Arg‘imchog‘in qurmasmi?
Binafshani sog‘indim-ey,
Ochilmaydi qatlari.
Muncha uzun poyonsizdir
Sovuq qishning hadlari?
Gulga o‘rab o‘y-xayolni,
Chamanga burgim kelar.
Men sevganim u ayolni
Atlasda ko‘rgim kelar.
Men sevganim u ayolni
Atlasda ko‘rgim kelar. (x2)