Shoxrux - Endi begona
Shoxrux - Endi begona Текст песни
Ko‘kka boqib, urgim kelar faryod har yod olganimda uni,
Degim keladi dod, nega hayot barbod, nahotki umrbod?
Endi o‘zga bir zot etadi shod yorni,
Yaxshisi qurol bilan kelgin, yuragimga ot mani.
Ko‘ksimni ochdim, sevgim qancha begona nigohlardan olib qochdim,
Birov biror so‘z deya ko‘rsa, jahlimni sochdim.
Qaysi xato uchun bunday jazolamoqdasan mani?
Mutloq g‘olib bildim sani, yutug‘ing nishonla qani.
Yana qil tantana, axir mani ham mana judo etib tanam,
Ezib go‘zal sanam, ketdi tanlab o‘zgani.
Tashvishdaman o‘ylab uni, uning esa yuzlarida tabassum,
Shudir alam qilgani.
La’li labli, nozik tabli, lazzat gapli etdi jabr,
Bilmaysandir, bilmaysandir.
Derdi: habibi zorimsan, guvoh Rabbim – san borimsan,
Nechun unda, so‘zla suluv, endi begona yorimsan? (x2)
Mayliga roziman, deyman taqdir, chaqdir chaqmog‘ing,
Boshimga toshlaringni yog‘dir, axir faqat taxir.
Hamda bir xil yashayotgan hayot umrim bo‘ldi,
Bilganing qil, yetar, sabr tugadi, endi baribir chiqdi jahl.
Istaysan ne qilishimni sevgan kishimni?
Iliq mehrla isitgan qahraton sovuq qishimni?
Ishingni qara qilgan, zo‘rg‘a tishimga tishimni
Qo‘yib, kuyib chidayman, yorim tark etdi og‘ushimni!
Baxtga to‘ygan qalb ayni damda endi dardu g‘amda,
Badanda, tanda og‘riq, chunki nimadirlar kam-da.
Alamda alamim olaman qo‘limdagi qalamdan,
Olamda yolg‘iz qoldim, ayrildim u go‘zal sanamdan.
Bas, ortiq qaltis hazil-huzullaring qilaverma,
Hazilning tagi zil, bag‘rimni tilaverma.
Undan ko‘ra yaxshilik qil, ustimdan kulaverma,
Yaram tuzlab, beshafqat bo‘lavermay.
La’li labli, nozik tabli, lazzat gapli etdi jabr,
Bilmaysandir, bilmaysandir.
Derdi: habibi zorimsan, guvoh Rabbim – san borimsan,
Nechun unda, so‘zla suluv, endi begona yorimsan? (x2)