Malika Ravshanova - Dadajonim

Malika Ravshanova - Dadajonim Текст песни

Siz men uchun eng yaxshi inson,
Buni har kuni aytaman, dada.
Borligingiz o‘zi baxtligin
Sezdim qayta-qaytadan, dada.

Og‘rib qolsam, devorni mushtlab,
Ko‘zingizda yoshingiz ushlab,
Yugurdingiz davolar istab,
Duo so‘rab hammadan, dada,
Shifo so‘rab Allohdan, dada.

Ey dadajonim, bir baland tog‘im dadam,
Qadri osmonim, mevali bog‘im dadam.
Ey dadajonim, dard ko‘rmang, ko‘rmang alam,
Dardga darmonim, dadajonim.

Mard-u nomard og‘ritsa dilim,
Ket, dadamga aytaman, dedim.
Sizsiz mening quvvatim, kuchim,
Siz bor nega qo‘rqaman, dada?

Bolalikda o‘tgan chog‘ uchun,
Holva uchun, o‘yinchoq uchun,
Issiq uyda shirin choy uchun,
Sizga rahmat aytaman, dada.

Ey dadajonim, bir baland tog‘im dadam,
Qadri osmonim, mevali bog‘im dadam.
Ey dadajonim, dard ko‘rmang, ko‘rmang alam,
Dardga darmonim, dadajonim. (x2)