Bahodir Mamajonov - Allaqachonlar
Bahodir Mamajonov - Allaqachonlar Текст песни
Eh, umr oqar daryo deganlarini vaqti yetibgina anglaymiz. Sochga qirov qo`nganda bolalikdagi bolalarcha beg`ubor muhabbatimizni eslab qolamiz.
Sevib, ismini daraxtga o`yib yozganimiz o`sha chiroyli qiz – hozir yuzlariga ajin tushgan ayol, bir etak bolasi bor. Endi unga muhabbat ertak, endi unga muhabbat ermak.
Bolalik uzoqqa cho`zilgan shirin tushga o`xshaydi. O`zim yupun, lekin bag`ir butun edi. Yosh edim – olov edim. Yonimda akam – yelkalari tog`day, xushsurat akam.
Ko`rsam ko`ngil, quchsam bag`ir to`lardi. Menga suyanch, menga ishoch, menga dalda bo`lgan mehribon akam hozir o`zi dalda-yu mehrga muhtoj.
Uzoq yo`l yurgan yo`lovchi horib bir joyda to`xtaydi. Bir borajak manziliga qarasa, bir bosib o`tgan yo`liga qaraydi. Sochdagi oq – armonlarmasmikan-a?..
Qachondir, qachondir bu yerdan, yuzim buribman,
Yuribman, yuribman tinmay yuribman.
Olisda holimni bilmay yuribman –
Menga yomon bo`libdi allaqachonlar!
***
Qachondir dovdirab yurgan qulunlar,
Quyoshni ilk bora ko`rgan qulunlar. (x2)
Tuyog`i chalmashib yurgan qulunlar
Uchqur saman bo`pti allaqachonlar. (x2)
O`h, o`h, o`h,
Uchqur saman bo`pti allaqachonlar. (x2)
Qachondir osmonni ag`darardi ham,
Dimog`im achishdi, ko`zga keldi nam: (x2)
Meni yelkasida ko`targan akam –
Qaddi kamon bo`pti allaqachonlar. (x2)
O`h, o`h, o`h,
Qaddi kamon bo`pti allaqachonlar. (x2)
Qachondir yuzida ko`rgandim yulduz,
Yuzi olma kabi tarang va qirmiz. (x2)
Menga ro`molchalar bergan o`sha qiz –
Rangi somon bo`pti allaqachonlar. (x2)
Meni yelkasida ko`targan akam –
Qaddi kamon bo`pti allaqachonlar. (x2)
Qaddi kamon bo`pti allaqachonlar… {x2}