Kechasidagi ish samaradorligini oshirish

Odamlar orasida “Ertalabki ishning unumi, barakasi bo’ladi”, degan naql bor. Butun dunyo bo’yicha ham odamlar erta turib, kechgacha ishlab, kechasi dam olishadi. Biroq hamma ham bunday jadvalda ishlamaydi, ko’pgina odamlar kechasi ishlashga o’rganganlar yoki shunga majburlar. Kechasi ishlashning ham o’z afzalliklari bor, shulardan eng birinchisi – sizga hech kim xalal bemaydi. Bugungi maqolamizda kechasi ishlaydiganlar uchun ba’zi maslahatlar beriladi.
1.Ritmni topish
Agar biror inson kechasi ishlashga qaror qilsa, bu davrning ayni qaysi vaqtlari unga ko’proq mos tushishini aniqlab olishi kerak. Kechaning qaysi davrida uning energetik quvvati oshishini bilib olishi lozim. Va shu xulosalardan kelib chiqib, ishlashi hamda ish samarasini oshirishi mumkin.

2.Uyquning uzluksiz tsiklini ushlab turish lozim
Ish samarasi buzilmasligi uchun uzluksiz uyquni ham yo’lga qo’yish lozim. Ya’ni inson kechasi ishlashga majbur bo’lsa, uyquni o’rnini boshqa payt to’ldirishi kerak. Shunda inson jismoniy va aqliy tomondan toliqmaydi. Inson o’zining ish jarayonining maksimal unundorlik pallasini bilib olishi bilanoq, shuni ushlab turishi kerak.

3.Oldindan rejalashtirish
Kechasi ishlamoqchi bo’lsangiz, buni oldindan rejalashtirganingiz ma’qul. Kechasi uyqungiz qochib, nima qilishni bilmay, bekor qolishdan yomoni yo’q. Agar kechasi ishlash niyatingiz bo’lsa, buni oldindan rejalashtirib oling, shunda ishingiz unumli bo’ladi.

4.Ish vaqtingizning boshlanishini belgilab oling
Ish vaqtining boshlanishini belgilash va unga rioya qilish ish unundorligini oshiradi. Inson qanday vaqtda turib, qanday vaqtda ish boshlashidan qat’iy nazar, kundalik yumushlar uni toliqtirib qo’yishi mumkin. Shuning uchun bunday yumushlarni bitirmasdan, kechasidagi ishingizga urinmang, aks holda ishingizning samarasi bo’lmaydi.

5. Ish vqatingizning tugashini ham belgilab oling
Agar inson kechasi samarali ishlasa, ertalab uning uxlashi uchun bo’shashishi qiyin kechisi mumkin. Shuning uchun ertalabki yengilgina ba’zi uy yumushlarini bajarishingiz yohud tinchlantiruvchi musiqa tinglashingiz ayni muddao bo’lar edi. Kechasida ishni ham ayni bir vaqtda tugatishni yo’lga qo’yish ish unundorligini oshiradi.

6.Kunduzgi uyquga moslashish
Endi esa eng qiyin palla haqida gap ketadi. Ya’ni kechasidagi uyqudan keyin kunduz kuni “to’yib” uxlab olish. Axir kunduz kungi yorug’lik hamda shovqin-suron uyquga xalal berishi mumkin. Buning uchun yotoqxonadagi yorug’likni jalyuzi yoki qalin parda bilan butunlay to’sish yoki uxlash uchun mo’ljallangan ko’z niqoblaridan foydalanish darkor. Shovqinni ketkazish uchun esa tabiatning ovozlari yozilgan musiqalarni eshitish mumkin. Va eng asosiysi esa telefoningizning ovozini o’chirib qo’yishni unutmang.