Muhabatim men uchun bir armon endi ayrilik haqida she'r

Muhabatim men uchun bir armon endi.
Orzularim chechagi go‘yoki so‘ldi,
Nafis, go‘zal tuyg‘ular dilimda o‘ldi.
O‘z taqdirim ustimdan beayov kuldi,

Oshiqma dil, ketib bo‘ldi karvon endi,
Muhabatim men uchun bir armon endi.
Telba kuyga tentiragan telbadekman,
Inson qadam tashlamagan kulbadekman,

Bog‘larida yantoq o‘sgan o‘lkadekman.

Bemor dilga topolmasman darmon endi,
Muhabatim men uchun bir armon endi.
Yal – yal yondi yorning yuzi meni kutib,

Borib uni qucholmadim yurak yutib.
Eslaganda goho qolar jinim tutib,
Iztirob-u azoblarga yorman endi,
Muhabatim men uchun bir armon endi.

Endi mudom qalbimda bir alam yotar,
Yonboshimda dardlashguvchi qalam yotar.
O‘z qismatim o‘z ko‘nglimga og‘ir botar,
Samimiy, chin, bir ko‘ngilga zorman endi,

Muhabatim men uchun bir armon endi.
Yig‘lama dil, yig‘lagandan dunyo bezor,
G‘am ahliga bo‘lma endi ortiq bozor.
Kulib yasha, garchi darding yig‘lar zor-zor.

Neqilayki, ko‘rgiliging hijron endi,
Muhabatim men uchun bir armon endi.