Tushda loy ko‘rsa nimani bildiradi
Tushda loy ko‘rsa- Loy va balchiq tuproq kabi tush ko‘rgan kishining molidir. Pishirilgan yoki issiq loy dard-g‘amdir. Uyini loy bilan suvaganini ko‘rgan kishi uzoq vaqt g‘amdan qutula olmaydi. Imorat qurishda ishlatilga loy boylik va taqvodir.
Tushda balchiq
Balchiq, botqoqlik yoki loyga yiqilganini ko‘rgan kishi qutulib chiqolmasa, vafot etadi. Kiyimlari loy bo‘lganini ko‘rgan kishi azob chekadi, kasal bo‘lsa, kasalligi uzoq vaqtga cho‘ziladi yoki biroz boylikka ega bo‘ladi. Loy yeyish g‘iybat qilishdir.
Tushga loy kirsa
Loy qorganini ko‘rgan kishi yaxshi ish boshlaydi. Biror kishini loy ichida ko‘rish unga kulfat kelishidan nishonadir.
lola
Tushda lola ko‘rish oshiq bo‘lishga ishoradir. Erkak kishining lola ko‘rishi ko‘rishi go‘zal qizga, qizning lola ko‘rishi esa yoqimtoy yigitga oshiq bo‘lishga ishoradir. Lola o‘stirganini ko‘rgan kishi yaqinglari, qarindosh-urug‘ orasida hurmat qozonadi.
MAJLIS
Nasihat qilishga ishtiyoqmand bo‘lmagan kishi va’z- nasihatlar majlisida bo‘lgani, xalqqa nasihat qilganini ko‘rsa, u kishining qayg‘uda ekani, og‘ir ahvoldan qutulish uchun Allohga duo va iltijo qilishi ma’lum bo‘ladi. Tushida notanish kishilar majlisiga taklif etilgani u yerda noz-ne’matlar mo‘lligini ko‘rgan kishi Alloh rizosi uchun jihodda ishtirok etadi va shahidlik martabasiga erishadi.
MAYMUN
Tushda ko‘rilgan maymun zolim, har qanday yomonlikdan tap tortmaydigan erkakdir. Maymunga bir narsalar berganini ko‘rgan kishi nonko‘r bandaga yordam beradi. Maymun go‘shtini ko‘rish g‘am-kulfatdir. Maymun ko‘rish ne’mati qo‘lidan olingan faqir kishiga ishora sanaladi.
MAYXONA
Tushda mayxona ko‘rish zaiflik, gam-qayg‘uning ketishiga ishoradir. Mayxona zino qilgan ayol va axloqsiz xizmatkor ham deb ta’bir qilinadi. Umuman olgan da, mayxona xafagarchilik va qiyinchilikka ishoradir. Mayxonani ko‘rgan kishi kasal bo‘lsa, ajali iqishshshgan bo‘ladi. Taqvodor kishi tushida mayxoia ko‘rsa, fitna xavfi bo‘ladi. Tushda mayxonachini ko‘rish farovon hayot, bemorlarning shifo topishiga ishoradir. Mayxonachi- ni ko‘rish, ko‘pincha, sudxo‘rlikka, cho‘chqa va maymun kabi hayvonlar va o‘yin vositalari savdosiga ishora bo‘ladi.