Koulslo salati

Koulslo salati
Koulslo salati

Yevropa pshxonasining mashhur salatlaridan birin e'tiboringizga taqdim etamiz. Yengil va vitaminlarga boy salat. Foydalanilgan masalliqlar bir-biri bilan kirishib, mazali va lazzatbaxsh ta'mni sizga taqdim etadi.

Kerakli masalliqlar:

  • 1 ta qizil karam, oq karam
  • 2 dona sabzi
  • 1 banka makkajo'xori konservasi
  • 1 bog' petrushka
  • 100 gramm smetana yoki yogurt
  • 1 osh qoshiq olma sirkasi
  • 3 choy qoshiq shakar, 0,5 choy qoshiq tuz
  • 1 osh qoshiq xantal (gorchitsa)
  • Ta'bga ko'ra murch

Tayyorlash usuli:
1. Oq karamni mayda somoncha shaklda to'rg'ang. Qo'lingiz bilan ezing. Tozalangan sabzini qirg'ichning katta tomonidan chiqaring.
2. Shuningdek, qizil karamni ham mayda somoncha shaklda to'rg'ang. Qo'lingiz bilan ezing. Petrushka ko'katini mayda to'rg'ab, birlashtiring.
3. Makkajo'xori konservasini oching va makkajo'xorini sharbatidan ajrating.
4. Barcha masalliqlarni birlashtiring.
5. Salat uchun sousni tayyorlang. Buning uchun: yogurt, tuz, shakar, xantal, sirka va murchni birlashtiring, aralashtiring.
6. Sousni salatga qo'shing, aralashtiring. 2-3 soatga muzlatgichga qo'ying. Belgilangan vaqt o'tib, mazali salatni dasturxonga torting.
Yoqimli ishtaxa!

Ushbu salat ozish uchun o'z ustida ishlayotgan insonlar uchun ham ma'qul bo'ladi.

Fikr qo'shish