Yong'oq shirinligi

Pardek yengil va juda ham mazali shirinlik! Har qanday dasturxondan o'zining yorqin o'rnini egallovchi shirinlik. Yaqinlaringiz uchun ushbu shirinlikni tayyorlang va hushkayfiyat ulashing.

Kerakli masalliqlar:
Xamir uchun:

• 200 gramm un
• 100 gramm saryog'
• 180 gramm suv
• 2 gramm tuz
• 5 dona tuxum (300 gramm)

Krem uchun:

• 285 gramm saryog'
• 100 gramm shakar kukuni
• 120 gramm quyultirilgan sut
• 40 gramm suv
• 4 dona tuxum sarig'i
• 100 gramm yong'oq
• 1 osh qoshiq konyak

Bezash uchun:

• 60 gramm yong'oq, shakarli sirop

Tayyorlash usuli:
1. Birinchi navbatda xamirni tayyorlang. Ko'rsatilgan masalliqlardan zavarnoy xamir tayyorlang. Pergament qog'ozi yozilgan pishirish qolipiga, orasidan masofa qoldirgan holda, choy qoshiqda sharchalar soling. 2. 220 darajada qizdirilgan gaz pechida 10 daqiqa, so'ng 180 darajada qizdirilgan gaz pechida 25 daqiqa davomida pishiring. Tayyor bulochkalarni sovuting.
3. Bezash va krem uchun yong'oqni qovuring. Blenderda maydalang.
4. Krem uchun: tuxum sariqlarini suv bilan aralashtiring. Quyultirilgan sutni qo'shing va past olovda quyuqlashgunga qadar qaynating. Ushbu bosqichni suv xammomida tayyorlash ham mumkin. So'ng, sovuting.
5. Yumshatilgan saryog'ni shakar kukuni bilan oppoq tusga kirgunga qadar ko'pirtiring. Oz-oz qismdan tuxumli massani qo'shgan holda ko'pirtirishda davom eting. So'nggi qismda konyak va yong'oqni soling, ko'pirtiring.
6. Bulochkalarning ichki qismini krem bilan to'ldiring. Bezash uchun avval siropga so'ng, maydalangan yong'oqga botiring.
Yoqimli ishtaxa!