Limonli muzqaymoq

Limonli muzqaymoq
Limonli muzqaymoq

Oramizda muzqaymoqni hush ko'rmaydigan kishining o'zi bo'lmasa kerak. Shu bois bugun e'tiboringizga hushbo'y va nozik muzqaymoq retseptini taqdim etamiz. Tayyorlanishi ko'p vaqtingizni olmaydi. Biroq, natijada sizga va yaqinlaringizga bir olam quvonch ulashishi turgan gap.

Kerakli masalliqlar:
4 dona tuxum
4 dona o'rta hajmdagi limon
1 stakan shakar
1 choy qoshiq vanilin shakari
70 gramm saryog'
Tayyorlash usuli:
1. Limonlarni 30 soniyaga mikrato'lqinli pechga yoki qaynoq suvga soling. 2 dona limon po'stini qirg'ichning kichik tomonidan chiqaring. So'ng, barcha limon sharbatini chiqaring.
2. Tuxumni shakar va vanilin shakari bilan ko'pirtiring.

3. Ko'pirtirilgan tuxum, limon po'sti va sharbatini birlashtiring. Extiyotkorlik bilan aralashtiring.

4. Saryog' bo'lagini soling. Suv xammomiga qo'ying va quyuqlashgunga qadar qaynating. Bu jarayon taxminan 7-10 daqiqa davom etadi.
5. Belgilangan vaqt o'tib tayyor massani muzlatgich muzxonasida saqlash uchun idishga soling va sovuting. So'ng, yaqinlaringizga taqdim eting.
Yoqimli ishtaxa!

Fikr qo'shish