Turkcha biskvit

Ko'rkam va yumshoq. E'tiboringizga Turk oshxonasining retseptlaridan birini taqdim etamiz. Har qanday tort uchun ajoyib tanlov. Tayyorlanishi oddiy, natijasi sizni lol qoldirishi turgan gap.

Kerakli masalliqlar:

• 1 stakan sut
• 2-3 stakan o'simlik yog'i
• 1 stakan shakar
• 2 stakan un
• 2 dona tuxum

Vanilin

• 1 choy qoshiq qabartma
• 1 osh qoshiq kakao kukuni

Ushbu retseptda diametri 24 sm bo'lgan pishirish qolipidan foydalanilgan.
Tayyorlash usuli:

1. Tuxum oqdan sariqlarini ajrating. Tuxum sariqlari va shakarni aralashtiring. O'simlik yog'i va isitilgan sutni quying va aralashtiring.

2. Kakao kukunini oz-ozdan sutli massaga solib, aralashtiring.

3. Qabartma, un va vanilinni birlashtiring va sutli massaga soling. Bir xil konsistensiya hosil bo'lgunga qadar aralashtiring.

4. Tuxum oqlarini oppoq, yengil, hajmini ushlab turuvchi massa holigacha ko'pirtiring. Sutli massa bilan birlashtiring. Juda ham extiyotkorlik bilan aralashtiring.

5. Pishirish qolipini saryog' bilan surting va un seping. Biskvit xamirini soling va tekislang. 180 darajada qizdirilgan gaz pechida 30 daqiqa davomida pishiring.

6. Pishirish vaqti davomida hech ham gaz pechini ochmang. Belgilangan vaqt o'tib, biskvitni tish pichog'i bilan tekshiring.