O'zbekcha Paxlava

E'tiboringizga mashhur Sharq shirinligi retseptini taqdim etamiz. Juda ham mazali bo'lgan shirinlik hattoki shirinlikni hushlamaydiganlarning e'tiboridan ham chetda qolmasligi aniq. Ushbu shirinlik kechki ovqatdan so'ng shak-shubxasiz desert o'rnini egallashi turgan gap.

Kerakli masalliqlar:

• 350 gramm saryog'
• 300 gramm smetana
• 4 dona tuxum
• 4 stakan un
• 1 choy qoshiq ichimlik sodasi
• 2,5 stakan shakar
• 2 stakan yong'oq
• 2 osh qoshiq asal

Tayyorlash usuli:
1. Birinchi navbatda xamir qoring. 300 gramm saryog' va unni ushoqlang. 3 dona tuxum sarig'i, smetana, ichimlik sodasini solib, xamir qoring. Xamirni 1 soatga muzlatgichga qo'ying.
2. Belgilangan vaqt o'tib, xamirni teng 8 qismga bo'ling. 3. Paxlava asosini tayyorlang. Yong'oqni maydalang. Yong'oq, 4 dona tuxum oqi va shakarni birlashtirib, aralashtiring.
4. Har bir xamir bo'lagini yupqa qilib yoying.
5. Xamirni pishirish qolipiga soling. Tayyorlangan asosdan solib, tekislang. Qolgan asos qismi va xamirni shu ketma-ketlikda takrorlang.
6. Oxirgi qavat xamir bo'lishi lozim. paxlavani kesib chiqing. Tuxum sarig'i bilan surting va yong'oq bo'laklari bilan bezating. 200 darajada qizdirilgan gaz pechida 40-50 daqiqa davomida pishiring.
7. Paxlava tayyor bo'lishiga 5-10 daqiqa vaqt qolganda eritilgan 50 gramm saryog' va asal aralashmasi bilan quyib chiqing. Qolgan vaqt o'tgunga qadar pishirishda davom eting.
8. Tayyor paxlavani butunlay sovuting va issiq choy bilan yaqinlaringizga taqdim eting.
Yoqimli ishtaxa!