Rogalik tayyorlash-retsepti, usullari, xamiri va asos turlari, tavsiyalar

Mazali rogaliklar tayyorlash usullari ko’p va bu pishiriq barchaga hush keladi. Quyidagi retsept qumoq xamirdan tayyorlanadigan turi hisoblanadi va uni asos bilan yoki asossiz tayyorlash mumkin. Asos sifatida yong’oq, murabbolar, shakar aralashtirilgan tvorog, mak kabi masalliqlardan foydalansa bo’ladi.

Kerakli masalliqlar:

• Un – 3 stakan (400 g);
• Smetana – 1 stakan (200 g);
• Margarin – 250 g;
• Iste’mol sodasi – yarim choy qoshiq;
• Shakar upasi.

Tayyorlanishi:
1.Margarin un bilan birga aralashtirib, uvalang.

2. Smetanaga ichimlik sodasi solib, aralashtirib, so’ng xamir va margarin aralashmasiga quying. Aralashmadan xamir qoring va u 4 ta zuvalaga ajratib oling. 15 daqiqaga sovutgichga qo’ying.
3. Rogalik xamiri sovugach, qalinligi 0,5 sm bo’lgan aylana qilib yoying. Uning diametri taxminan 25-28 sm bo’lishi lozim.

4. Har bir xamir doirasi 8 bo’lakda kesing. Hosil bo’lgan bo’lakchalarga bir tekis qilib murabbo surting yoki uning eng keng qismiga yong’oqli yoki boshqa qattiq nachinkani soling.

5. Endi xamirning keng tomonidan ingichka tomoniga qarata rogalik o’rang, u biroz taqa shaklida qilib bukiladi.

6. Pergament qog'ozi yozilgan pishirish qolipiga rogaliklarni tering. Oldindan 190-210 °C darajada qizdirilgan pechda taxminan 30 daqiqa davomida pishiring.

7. Tayyor bo’lgan rogaliklarni sovuting, so’ng ustidan shakar upasi seping. Pishiriq tayyor, yoqimli ishtaha!

TAVSIYALAR

• Rogalikning asosi qurib qolmasligi uchun uning ikki chetini qatlab qo’ying, u ochiq qolmasligi krak. Shuningdek u yopilmasa, suyuqroq murabbo oqib chiqib ketishi ham mumkin.
• Xamir yumshoq, shu bilan birga qo’lga yopishmaydigan konsistentsiyada bo’lmog’i lozim.
• Imkon bo’lganda, margarin o’rniga sariyog’ ishlatish ham mumkin, bu pishiriqning ta’mini yanada mazali qiladi.
• Agar asos o’rnida qo’llamoqchi bo’lgan murabbo juda suyuq bo’lsa, unga biroz un qo’shib, aralashtirib yuboring.