Qattiq pishloq retsepti

Ko'pchilikning sevimli mahsuloti bo'lgan pishloq retseptini e'tiboringizga taqdim etamiz! Bu juda ham mazali! Ushbu retseptni albatta tayyorlang!

Kerakli masalliqlar:

• Sut – 1 litr (2,5 – 6 % yog’li)
• Tvorog – 1 kg
• Sariyog’ – 100g
• Tuxum – 1 ta
• Iste’mol sodasi – 1 choy qoshiq
• Tuz – 1 choy qoshiq (to’ldirmasdan)

Tayyorlanishi:
1.Sutni qaynash darajasigacha olib boring. So’ng unga tvorog qo’shing va yana 3 daqiqa qaynating.
2. Hosil bo’lgan massani doka matoga solib, zardobini chiqarib tashlang. U tomchilamay qo’ysa, majburlab qisib chiqarish kerak emas, shu holatning o’zi yetarli.

3. Idishda sariyog’ni eritib oling, so’ng unga iste’mol sodasi va tuz qo’shing.

4. Erigan sariyog’ga tvorogni qo’shing va 5 daqiqa davomida aralashtirib turgan holda past olovda qaynating.

5. Alohida idishda tuxumni urib aralashtirib oling va tvorogga qo’shing, barchasini yaxshilab aralashtiring. So’ng idishni olovdan oling, biroz sovuting.

6. Hosil bo’lgan massani idishga soling va 3-4 soatga sovutgichga qo’ying. Pishloq tayyor!