Patir retsepti

Patir (fatir) – Osiyo mamlakatlari xalqining an’anaviy hisoblanadigan pishirig’i, u choyga ham, ovqatga ham ajoyib qo’shimcha bo’ladi. Ushbu retseptdagi patirni piyoz bilan ham, piyozsiz ham tayyorlash mumkin.

Kerakli masalliqlar:
Un – 500 g (3 stakan)
O’simlik moyi yoki eritilgan hayvon yog’i – 200 gr
Piyoz – 1
Suv – 1 stakan
Kunjut – 1 osh qoshiq
Tuz
Tayyorlanishi:
1. Un, suv va tuzdan qattiq xamir qoring. So’ ng, uni 4 qismga bo’ling. Ustidan biroz un sepib, ustma-ust qiligan holda sochiq bilan yopib qo’ying. Shu tarzda 5-10 daqiqa dam yeyishga qoldiring.

2. Piyozni po’stidan tozalang, juda ingichka, yarimhalqa qilib kesing. Unga biroz tuz sepib, yaxshilab aralashtiring.

3. Har bir zuvala qalinligi 1 mm keladigan qilib yoyib oling. Tajribali bekalar yanada ingichkaroq qilib yoyishlari mumkin.

4. Xamirning butun yuzasiga yog’ surting, piyozli patir qilish uchun esa qo’shimcha ravishda ustidan ozroq piyoz ham seping.

5. Xamirni rulet qilib o’rang. Uzun o’ramani kaft bilan biroz yapaloq qiling. Qavatli tomonini yuqoriga qilib qo’ygan holda 5-10 daqiqa dam bering.
6. Har bir zuvalani qo’lda, qalinligi 1-1,5 sm dan oshmaydigan qilib, aylana shaklida yoyib oling. Yoyishda xamirning yaxlitligini buzib yubormaslik uchun ehtiyotkor bilan yoying.
7. Nonpar yoki sanchqi bilan xamirga naqsh chizing, yuzasiga yengil tuzlangan suv seping, kunjut bilan bezating, pishirish qolipiga qo’ying va 5-7 daqiqa shu holda dam bering.
8. Oldindan 250 darajagacha qizdirilgan gaz pechida (avval pastki, so’ng yuqori qavatida) tillarang tusga kirguncha pishiring, bu o’rtacha 15-20 daqiqani talab etadi.

9. Tayyor bo’lgach, pishirish qolipidan oling, yuzasiga biroz suv sepib, dasturxon bilan o’rang, sovutishga qoldiring. Patir tayyor!
Yoqimli ishtaxa!