Italyancha pechenya

Italya oshxonasining mashhur retseptini e'tiboringizga taqdim etamiz. Juda ham nozik va og'izda erib ketuvchi ushbu pechenyaning tayyorlanishi oddiy, natijasi esa bir olam quvonchni taqdim etadi. Dasturxon davrasida chinakam lazzatlanishni taqdim etadi. Ushbu retseptni albatta tayyorlang!

Kerakli masalliqlar:
115 gramm yumshatilgan saryog'
50 gramm shakar
1 dona tuxum
1 choy qoshiq vanilin shakari
Bir chimdim tuz
1/4 choy qoshiq qabartma
175 gramm un
150-200 gramm shokolad

Tayyorlash usullari:
1. Chuqur idishda sayog' va shakani, bir xil massa hosil bo'lguncha (taxminan 3 daqiqa) ko'pirtiring. Tuxum va vanilin shakarini soling va ko'pirtirishda davom eting.

2. Un, qabartma va tuzni birlashtiring. Saryog'li massaga unli massani soling, aralashtiring. Natijada quyuq, cho'ziluvchan xamir tayyor bo'lishi lozim. Xamir konditer qopchasidan qiyinchiliksiz chiqishi kerak.
3. Xamirni maxsus konditer qopchasiga soling. Pergament qog'ozi yozilgan pishirish qolipiga, bir-biridan 5 sm masofa qoldirgan holda, pechenyalar chiqaring.
4. 175 darajada qizdirilgan gaz pechida 10-12 daqiqa davomida pishiring. Tayyor bo'lgan pechenyalarni butunlay sovuting.

5. Shokoladni suv xammomida eriting. Chuqur idishga quying. Pechenyalarni 1/3 qismi yoki yarim qismini shokoladga botiring.

6. Qaytadan pergament qog'oziga shokolad qurigunga qadar tering.
7. Tayyor va bir zumda og'izda eruvchi pechenyalarni yaqinlaringiz e'tiboriga tortiq qiling.
Yoqimli ishtaxa!