Pirog "Sabzavotlar savatchasi"

E'tiboringizga vitaminlarga boy va mazali pirogni taqdim etamiz. Tayyorlanishi oddiy, natijasi dasturxon davrasida barchani lol qoldiradi. Taomnoma uchun chinakam yangilik. Ushbu retseptni albatta tayyorlang!

Kerakli masalliqlar:

• 2 stakan qovoq (kabachki, qirg'ichdan chiqarilgan)
• 1 stakan sabzi (qirg'ichdan chiqarilgan)
• 0,3 stakan oshqovoq (qirg'ichdan chiqarilgan)
• 4 osh qoshiq o'simlik yog'i
• 1 choy qoshiq tuz
• 0,5 stakan un
• 100 gramm pishloq
• 2 dona pomidor
• 2 dona tuxum
• 150 ml sut
• Bir chimdimdan muskat yong'og'i, murch
• 1 bog' ko'kat
• 100 gramm shampinon (pishirilgan)

Tayyorlash usuli: 1. Qirg'ichdan chiqarilgan sabzavotlarni ortiqcha sharbatidan siqib oling. Qovoq, oshqovoq va sabzini birlashtirib, 4 osh qoshiq o'simlik yog'i va 0,5 stakan un solib, aralashtiring.

2. Yog' surtilgan pishirish qolipiga sabzavotli massani devorlari bo'ylab yoyib chiqing.
3. 190 darajada qizdirilgan gaz pechida 25 daqiqa davomida pishiring. So'ng, qirg'ichdan chiqarilgan pishloq, mayda to'rg'algan shampinonni soling.
4. Pomidorni yupqa, yumaloq shaklda kesing va qizdirilgan yog'da har tomonlama qovuring. Tuxum va 150 ml sutni birlashtirib, ko'pirtiring. Muskat yong'og'i, murch va tuzni solib, aralashtiring. Pishirish qolipidagi yarim tayyor masalliqlar ustiga sutli massani quying, pomidor bo'laklarini terib chiqing.
5. Ko'kat seping, 180 darajada qizdirilgan gaz pechida 20 daqiqa davomida pishiring. Tayyor va nozik pirogni dasturxonga torting.
Yoqimli ishtaxa!