Gilos-tvorogli pirog
E'tiboringizga nozik va juda ham mazali pirog retseptini taqdim etamiz. Taomnoma uchun yangilik. Tayyorlanishi oddiy, natijasi dasturxon davrasida barchani lol qoldirish bilan birga chinakam lazzatlanishni taqdim etadi. Ushbu retseptni albatta tayyorlang!
Kerakli masalliqlar:
- 200 gramm un
- 100 gramm saryog'
- 1 osh qoshiq + 150 ml qaymoq
- 1 osh qoshiq + 150 gramm shakar
- Bir chimdim tuz
- 200 gramm gilos
- 200 gramm tvorog
- 1 dona + 2 dona tuxum
- 1 choy qoshiq vanilin
- 1 osh qoshiq kraxmal
1. 1 dona tuxum, 1 osh qoshiq shakar, bir chimdim tuz, 1 osh qoshiq qaymoqni birlashtiring va venchik yordamida ko'pirtiring.
2. Eritilgan saryog'ni quying va ko'pirtirishda davom eting.
3. Unni qo'shing, yumshoq va cho'ziluvchan xamir qoring.
4. Yog' surtilgan pishirish qolipiga xamirni devorlari bo'ylab yoying. So'ng, 30 daqiqaga muzlatgichga qo'ying.
5. Bu vaqt mobaynida pirog asosini tayyorlang. Blender idishiga tvorog, qaymoq, tuxum, shakar, vanilin, kraxmalni solib, bir xil massa hosil bo'lgunga qadar ko'pirtiring.
6. Gilos danaklarini ajrating, yuving va sitoga soling. Ortiqcha suvi ajralishi uchun.
7. Pishirish qolipidagi xamirga tayyorlangan tvorogli asosni soling va tekislang.
8. Tvorogli asos ustidan gilos mevasini terib chiqing. 180 darajada qizdirilgan gaz pechida 45-55 daqiqa davomida pishiring.
9. Belgilangan vaqt o'tib, tayyor pirogni butunlay sovuting. So'ng, dasturxonga torting.
Yoqimli ishtaxa!