"Julyen" pirogi
Fransuz oshxonasining mashhur taomlaridan biri. Juda ham mazali va nozik. Tayyorlanishi oddiy, natijasi dasturxon davrasida barchani lol qoldirish bilan birga, lazzatlanishni taqdim etadi. Taomnoma uchun chinakam yangilik! Ushbu retseptni albatta tayyorlang!
Kerakli masalliqlar:
Xamir uchun:
- Un
- 250 gramm margarin
- 500 gramm smetana
- 3 dona tuxum
- Tuz, shakar, 1/2 choy qoshiq ichimlik sodasi
- 300 gramm tovuq go'shti
- 1 banka marinadlangan shampinon
- 1 dona piyoz
- 300 gramm pishloq
- 150 gramm qaymoq
1. Birinchi navbatda xamirni tayyorlang. Margarinni past olovga qo'ying, margarin yumshashni boshlashi bilan olovdan oling.
2. Smetanani soling.
3. Tuxum, tuz, shakar, ichimlik sodasini soling. Unni qo'shib, qo'lga yopishmaydigan xamir qoring va 20 daqiqaga olib qo'ying.
4. Bu vaqt mobaynida asosni tayyorlang. Tovuq go'shtini butunlay tayyor bo'lgunga qadar qaynating. Sovuting va mayda shaklda to'rg'ang.
5. Mayda to'rg'algan shampinon va piyozni ketma-ketlikda qovuring.
6. Shampinonlarga tovuq go'shtini qo'shing, 2 daqiqa qovuring. Qaymoqni quying va yana 2 daqiqa davomida pishiring.
7. Yog' surtilgan pishirish qolipiga xamirni devorlari bo'ylab yoying.
8. Tayyorlangan asosni soling.
9. Qirg'ichning katta tomonidan chiqarilgan pishloqni seping.
10. Pirogni 200 darajada qizdirilgan gaz pechida 30 daqiqa davomida pishiring. Belgilangan vaqt o'tib, nozik va mazali pirogni dasturxonga torting.
Yoqimli ishtaxa!