O'rdakli kanape

Mo'jizaviy gazak! Foydalanilgan masalliqlar bir-biri bilan kirishib, o'zgacha lazzatlanish baxtini taqdim etuvchi ta'mni hosil qiladi. Tayyorlanishi oddiy, natijasi dasturxon davrasida barchani lol qoldiradi. Ushbu retseptni albatta tayyorlang!

Kerakli masalliqlar:

• 2 dona o'rdak ko'krafi (filesi)
• 2 osh qoshiq soya sousi, shakar
• 1 osh qoshiq asal
• 2 osh qoshiq oq sharob yoki olma sirkasi
• 1/2 choy qoshiq tabasko sousi yoki achchiq sous
• 1/2 choy qoshiq kraxmal
• 1/3 choy qoshiq zanjabil kukuni (imbi)
• 24 dona uzum mevasi
• 24 dona kichik mosarella yoki 2 dona katta

Tayyorlash usuli: 1. Har bir o'rdak go'shtini to'rtburchak shaklda, 12 qismga bo'ling.
2. Soya sousi, shakar, asal, sirka, tabasko, zanjabil va kraxmalni birlashtiring va aralashtiring.
3. Quruq, o'rta olovda qizdirilgan tovada o'rdak go'shtini har tomonlama 3 daqiqa davomida pishiring.
4. Sousni go'sht ustidan quying va 1 daqiqa davomida dimlang. O'rdak go'shtini laganga suzib oling, sovuting.

5. O'rdak go'shti, mosarella, uzum mevasi shu ketma-ketlikni takrorlagan holda yog'och shixlarga o'tkazib chiqing.

6. Tayyor gazakni ko'kat barglari bilan bezating. Dasturxonga torting.
Yoqimli ishtaxa!