Issiq kunlarda qaysi kosmetika vositasi havfli sanaladi?


Yuz terisi ob- havo o’zgarishlariga nihoyatda ta’sirchan. Ayniqsa yoz faslida quruq havo va shamol teri yog’lanishi yoki quruqlashishiga olib kelishi mumkin. Bunday muammolarni bartaraf etishda kosmetik vositalardan foydalanish mumkin. Ammo jaziramada pardoz qilishning o’z qoidalari mavjud.
Ko’pchilikka ma’lumki A vitamini teri uchun nihoyatda foydali. U terini taranglashtiradi, ajinlarni yo’qotadi va yangilari paydo bo’lishidan himoyalaydi. Ajoyib hususiyatlari tufayli retinol yoshga doir kremlar hamda husnbuzarlarga qarshi vositalar tarkibidan joy olgan. Biroq yoz ob-havosida A vitamini “hunar” ko’rsatishi mumkin. Quyoshning ultrabinafsha nurlari bilan ta’sirga kirishgan darmondori teri qizarishi, quruqlashishi hatto allergik reaksiyalarni paydo qilishi ham hech gap emas. Shu bois kosmetik vosita harid qilayotganda tarkibida A vitamini bor yoki yo’qligiga ahamiyat bering. Mabodo, retinol qo’shilgan krem yoki boshqa parvarishlash vositasiga ega bo’lsangiz, uni salqin kunlargacha saqlab qo’ying.Krem yorlig’ida ANA kislota so’ziga ko’zingiz tushgan bo’lishi kerak. Bu meva kislotasi degani. Bunday vositalar salqin havoda foydali. Biroq havo harorati yuqori bo’lganida meva kislotasi teriga nojo’ya ta’sir ko’rsatishi mumkin. Misol uchun, terida achishish qizarish, qichishish paydo bo’lishi ba’zan kuchli allergiya (o’z vaqtida muolaja qilinmasa, dog’ saqlanib qoladi) kuzatilishi mumkin. Mevali pilinglar mutaxassislar tavsiyasi bilan amalga oshirilishi lozim.


