Shokoladli kopkeyk
Hushbo'y va nozik, ular sizni befarq qoldirmaydi! Bayram dasturxoni uchun ajoyib tanlov. Tayyorlanishi oddiy, natijasi esa dasturxon davrasida barchani lol qoldiradi. Taomnomadan o'z o'rnini egallaydi. Ushbu retseptni albatta tayyorlang!
Kerakli masalliqlar:
- 100 gramm smetana
- 60 gramm achchiq shokolad
- 140 gramm shakar
- 2 dona tuxum
- 130 gramm un
- 50 gramm kakao kukuni
- 100 gramm smetana
- 1 choy qoshiq qabartma
- 50 gramm tvorogli pishloq (almette, filadelfiya)
- 80 gramm saryog'
- 80 gramm shakar kukuni
- 80 gramm achchiq shokolad
Tayyorlash usuli:1. Birinchi navbatda kopkeyk xamirini tayyorlang. Bo'laklarga bo'lingan shokolad va mayda kesilgan saryog'ni birlashtirib, eriting. Mikrato'lqinli pech yoki suv xammomida.
2. Eritilgan saryog'li massani 5 daqiqaga xona haroratida qoldiring.
3. Shakarni soling va shakar eriguncha aralashtiring.
4. Tuxumni soling va aralashtiring.
5. Smetanani soling.
6. Un, kakao, qabartma aralashmasini oz-ozdan shokoladli massaga qo'shib, xamir qoring.
7. Bir xil konsistensiya hosil bo'lguncha aralashtiring. Natijada quyuq massa hosil bo'ladi.
8. Tayyor xamirni maxsus kopkeyk qolipiga solib chiqing. 180 darajada qizdirilgan gaz pechida 25-30 daqiqa davomida pishiring, sovuting.
9. Bu vaqt mobaynida kremni tayyorlang. Krem uchun kerakli masalliqlarni tayyorlang.
10. Shokoladni eriting. Saryog' va tvorogli pishloqni ko'pirtiring.
11. Shakar kukunini soling va aralashtiring.
12. Eritilgan, sovuq shokoladni qo'shing va ko'pirtiring.
13. Tayyorlangan krem bilan kopkeyklarni bezab chiqing. Mazali va nozik kopkeyklarni dasturxonga torting.
Yoqimli ishtaxa!