Adolatli bo'ling
Masjiddan qaytayotgan ikki qo‘shni suhbatidan:
– Qo‘shni, yangi imomizning qiroatlari chiroyli ekan-a! Namozlarni maza qilib o‘qiyapmiz.
Ma’ruzalari ham ma’noli, Qur’on-hadisdan gapirar ekanlar. Alloh rozi bo‘lsin, ilmli inson ekanlar.
– "Olim bo‘lma, odam bo‘l", deyishadi. Ilm bo‘lsa-yu, ilmiga amal qilmasa bundan yomoni yo‘q. Ba’zi imom-domlalar ilmiga amal qilmaydi.
Bu yangi domlayam eski imomimizdek ilmiga amal qilmas ekan...
– Hoy, qo‘shni, mayli domlalarni qo‘yib turaylik. Sizdan anchadan beri bir narsa haqida so‘ramoqchi bo‘lib turgandim.
– Kim aytyapti shu gapni?! G‘iybatni mutlaq harom qilingani aynan Qur’onning o‘zida zikr qilingan. To‘rtala mazhabda ham g‘iybat qilish – harom! Men buni aniq bilaman!
– G‘iybat hukmini aniq bilsangiz nega o‘zingiz amal qilmaysiz? Nega mulla-imomlarni hadeb g‘iybat qilaverasiz?
Agar ular ilmiga amal qilmasa, siz ham bilganingizga amal qilmayapsiz-ku!
Bir vaqtning o‘zida "ilmiga amal qilmaydi", deb ikkala imomimizni ham g‘iybat qildingiz-a!
Ustiga-ustak, “To‘rtala mazhabda ham g‘iybat qilish – harom! Men buni aniq bilaman!” – deyishingiz meni hayron qoldirdi. Ilmiga amal qilmayotgan biror domlani ko‘rganimizda o‘zimiz ham qanchadan-qancha bilganlarimizga amal qilmayotganimizni ham o‘ylaylik! Musulmon odam har tomonlama insofli, adolatli bo‘lishi kerak, qo‘shni!
– Gapingiz to‘g‘ri, qo‘shnijon. G‘aflatda qolibman, tavba qildim! Ko‘zimni ochdingiz. Sizdek insonni menga qo‘shni qilib bergan Alloh taologa hamdu sanolar bo‘lsin!..