Jahannamga begona qil uzbekcha she'r
Qalbim ishqqa to‘lib toshsin,
Yo Rab, mani devona qil.
Jannatingda qadrim oshsin,
Jahannamga begona qil!
Xijolatman odatimdan,
Nuqson to‘la toatimdan.
Xabardorsan xolatimdan,
Jahannamga begona qil!
O‘g‘lim, qizim deb atarim,
Xam volidam, xam padarim.
Ey muallifi qadarim,
Jahannamga begona qil!
Nafs birla xirs qilgancha mot,
Jonim qo‘lida bo‘lgan Zot,
Jahannamga begona qil.
Kechir, xaqqim yegannida,
Bu "munofiq" degannida.
Goxi qo‘rquv yenggannida,
Jahannamga begona qil.
O‘ylab axli ayolimni,
Dard egallar xayolimni.
To‘rt nafar tili bolimni,
Jahannamga begona qil.
Azoning to‘lgan quloqni,
Musxafing o‘pgan dudoqni.
Uyingga shoshgan oyoqni,
Jahannamga begona qil.
O‘z yo‘lingda xizmatdagi,
Ko‘zi yoshni xilvatdagi.
Mahbubingni xijratdagi,
Jahannamga begona qil.
Ne qilarman suvni loylab?
Dushmanning xatosin poylab,
Daxriynida mo‘min aylab,
Jahannamga begona qil.
Abdurahmon Meshayan