Ayol qaysarligi salati

Nomlanishi noan'anaviy bo'lgan mazali va nozik salat. Bayram dasturxoni uchun ajoyib tanlov. Tayyorlanishi juda ham oddiy, natijasi esa sizni lol qoldirishi turgan gap. Taomnoma uchun yangilik. Ushbu retseptni albatta tayyorlang!

Kerakli masalliqlar:

• 400 gramm tovuq go'shti filesi (qaynatilgan)
• 100 gramm qora olxo'ri qoqisi
• 4 dona tuxum
• 200 gramm bodring
• 100 gramm pishloq
• 180 gramm mayonez
• 1 choy qoshiq tuz

Tayyorlash usuli:
1. Olxo'ri qoqisini sovuq suv bilan yuving, 10 daqiqaga issiq suvda uyuting.
2. Bodringni somoncha shaklida to'rg'ang yoki qirg'ichdan chiqaring.
3. Pishloq salatda yanada nozik bo'lishi uchun pishloqni qirg'ichning kichik tomonidan chiqaring.
4. Sovutilgan tovuq go'shtini mayda shaklda to'rg'ang. 5. Pishirilgan tuxumni mayda to'rtburchak shaklda to'rg'ang yoki sabzavot maydalagichdan chiqaring.
6. Olxo'rini mayda shaklda to'rg'ang.
7. Salatni yig'ishni boshlang. Salat yig'iladigan idishga halqa qolipini qo'ying.
8. Birinchi qatorga tovuq go'shtini soling, mayonez surting.
9. Bodringni soling va mayonez surting. Har bir salat qatorini mayonez bilan surting.
10. Tuxumni soling.
11. Olxo'rining bir qismini bezash uchun olib qo'ying. Qolgan qismini soling va ustidan qirg'ichdan chiqarilgan pishloqni soling.
12. Pishloq ustini qolgan olxo'ri bilan bezating. So'ng, qolipni oling.
13. Mexmonlarni va yaqinlaringizni lol qoldirish uchun salatni dasturxonga torting.
Yoqimli ishtaxa!