Nyu York chizkeyki
Bayram dasturxoni uchun ajoyib desert! Amerikaliklarning sevimli deserti. Chizkeykning klassik usuli. Tayyorlanishi oddiy, natijasi esa dasturxon davrasida barchani lol qoldirishi turgan gap. Ushbu retseptni albatta tayyorlang!
Kerakli masalliqlar:
- 300 gramm oson ushoqlanadigan pechenya
- 100 gramm saryog'
- 0.5 choy qoshiq muskat yong'og'i
- 600 gramm tvorogli pishloq (almette, filadelfiya)
- 150 gramm shakar
- 200 gramm qaymoq
- 3 dona tuxum
- 1 choy qoshiq limon sharbati
- Vanilin ekstrakti (ta'bga ko'ra)
Tayyorlash usuli:1. Birinchi navbatda desertning asosiy qismini tayyorlang. Pechenyani blender yordamida maydalang va muskat yong'og'i bilan aralashtiring. Yumshatilgan saryog' va pechenyani birlashtiring, aralashtiring.
2. Natijada qumli massa hosil bo'ladi.
3. Diametri 24 sm hajmdagi pishirish qolipini saryog' bilan surting. tayyorlangan massani pishirish qolipi devorlari bo'ylab yoyib chiqing. 200 darajada qizdirilgan gaz pechida 10 daqiqa davomida pishiring. So'ng, sovuting.
4. Desert asosini tayyorlang. Tvorogli pishloqga 3 tomchi vanilin ekstrakti, limon sharbati, shakarni birlashtiring va aralashtiring.
5. Birma-bir ketma-ketlikda tuxumni soling. Har bir tuxumdan so'ng, albatta aralashtiring.
6. So'nggi navbatda qaymoqni pishloqli massaga qo'shing va aralashtiring.
7. Tayyor massani pishirilgan korjga quying va tekislang.
8. Birinchi desertni 200 darajada qizdirilgan gaz pechida 15 daqiqaga, so'ng, 110 darajada qizdirilgan gaz pechida 1 soat 20 daqiqa, 1 soat 30 daqiqa davomida pishiring. Gaz pechining pastki qismiga idishda suv qo'ying.
9. Belgilangan vaqt o'tib desertni bir necha bosqichlarda sovuting. Gaz pechini o'chirish bilan desertni gaz pechi butunlay sovuguncha gaz pechida sovuting. So'ng, butunlay xona haroratida sovuting. Tayyorlangan desertni tungi vaqt davomida muzlatgichga qo'ying.
10. Belgilangan vaqt o'tib nozik desertni mevalar bilan bezating. Mazali desertni dasturxonga torting.
Yoqimli ishtaxa!