Soya sousi ostidagi bodring

Bu juda ham mazali va hushbo'y! Juda ham tez tayyorlanaigan, oddiy salat. Bayram dasturxoni uchun ajoyib tanlov. Taomnoma uchun yangilik. Ushbu retseptni albatta tayyorlang!

Kerakli masalliqlar:

• 500 gramm mol go'shti (qaynatilgan)
• 400 gramm bodring
• 1 dona piyoz
• 30 ml soya sousi
• 25 gramm ko'k piyoz
• 2.5 osh qoshiq o'simlik yog'i
• 1 osh qoshiq limon sharbati
• 1 choy qoshiq qizil qalampir kukuni
• 1 choy qoshiq zanjabil
• 1 osh qoshiq kunjut
• Ta'bga ko'ra tuz

Tayyorlash usuli:
1. Bodringni uzun somoncha shaklda, o'rta qalinlikda to'rg'ang.
2. Piyozni halqa shaklida kesing. Tovada qizdirilgan yog'da quvuring. Piyoz tilla tusga kirishi bilan piyozni yog'dan suzib oling. 3. Qaynatib, sovutilgan mol go'shtini somoncha shaklda to'rg'ang.
4. Oshxona tog'orachasiga go'sht, bodring, mayda to'rg'algan ko'k piyozni birlashtiring va piyoz qovurilgan issiq yog'ni masalliqlar ustidan quying.
5. Aloxida idishda soya sousi, limon sharbati, zanjabil, qizil qalampir va tuzni birlashtiring.
6. Tayyor aralashmani bir necha daqiqaga qoldiring.
7. Salatni bezash uchun 1 dona bodringni koreyscha sabzi tayyorlanadigan qirg'ichdan chiqaring.
8. Tayyor sousni tayyorlangan masalliqlar bilan birlashtiring, aralashtiring. 10-15 daqiqaga qoldiring.
9. Tayyorlangan salatni salat idishi o'rtasiga soling. Kunjut seping. Salat idishi chetlarini qirg'ichdan chiqarilgan bodring va yorqin rangdagi meva bilan bezating. Masalan ushbu retseptda qizil smorodinadan foydalanilgan. Tayyor salatni dasturxonga torting.
Yoqimli ishtaxa!