Vanilinli panna kotta deserti

Bayram dasturxoni uchun ajoyib tanlov! Taomnomaga o'zgartirish kiritishning vaqti keldi. Tayyorlanishi oddiy, natijasi esa bayram dasturxonida barchani lol qoldirishi turgan gap. Ushbu retseptni albatta tayyorlang!

Kerakli masalliqlar:

• 500 ml qaymoq
• 50 gramm shakar
• 8 gramm jelatin
• Vanilin tayoqchasi yoki 4 gramm vanilin shakari

Tayyorlash usuli:
1. Jelatinni qaynatib, sovutilgan suvda, qog'ozida ko'rsatilgan vaqt bo'yicha uyuting.
2. Qaymoqni kastryulkaga soling, vanilin tayoqchasini ikki qismga bo'ling va qaymoq bilan birlashtiring. Shakarni soling va olovga qo'ying. 3. Qaynash darajasiga olib boring va jelatinni soling. Jelatin erigunga qadar olovda bir xil massa hosil bo'lgunga qadar aralashtiring.
4. So'ng, olovdan oling va vanilin tayoqchasini olib qo'ying. Aralashtiring.
5. Tayyorlangan aralashmani qoliplarga quyib chiqing. Qoliplar bo'lmagan taqdirda aralashmani piyola yoki kosachalarga ham quyishingiz mumkin. Desertni muzlatgichga butunlay sovutishga qo'ying. Bu jarayon taxminan 2 soat vaqtni o'z ichiga oladi.
6. Belgilangan vaqt o'tib tayyor desertni extiyotkorlik bilan qoliplardan desert uchun tayyorlangan idishga soling. Bu jarayon osonlashishi uchun desert tayyorlangan idishni 1-2 daqiqaga issiq suvda ushlab turing.

7. Tayyor desertni hohishingizga ko'ra qirg'ichdan chiqarilgan yoki eritilgan shokolad bilan bezating. Nozik desertni dasturxon davrasiga taqdim eting.
Yoqimli ishtaxa!