Ajoyib desert: "Malika" torti

Ajoyib desert: "Malika" torti
Ajoyib desert: "Malika" torti


Ushbu tort shved qandolatchilari tomonidan o‘ylab topilgan bo‘lib, uni Shvetsiyadagi istalgan shirinliklar do‘konidan topishingiz mumkin. Bir necha qavatli biskvit, mazali murabbo hamda vanilli krem ko‘pirtirilgan qaymoq bilan qoplanadi, uning ustidan esa yupqa va shirin marsipian qatlami ilova qilinadi. Tort ilk marta 1920 yilda Yenni Okerstryo tomonidan tayyorlab ko‘rilgan.

Bu ayol qirol Gustav V ning ukasi bo‘lmish shahzoda Karl Bernedottning qizlari - malikalar Margarita, Marta va Astridga muallimalik qilgan. Qizlar tortni juda yaxshi ko‘rganlari tufayli shirinlikka "Malika" nomi berilgan. O‘z vaqtida ushbu desertni "Prinsesstårta", ya’ni "Malikalar torti" deb ham atashgan. Sentyabr oyining uchinchi haftasida esa tortni pishirish uchun maxsus bayramlar uyushtirilgan. Ayni vaqtda Shvetsiyada ushbu tort yilning to‘rt faslida ham tayyorlanadi. Tortning ustki qoplamasi rangi esa nafaqat yashil, balki pushti, sariq, qizil, to‘q sariq va oq bo‘lishi ham mumkin.

Energetik quvvati

  • Kaloriya: 842 kkal
  • Oqsillar: 12,4 gramm
  • Yog‘lar: 51,4 gramm
  • Uglevodlar: 86,6 gramm
Kerakli masalliqlar:
  • 3 dona tayyor biskvit
  • 150 gr malina murabbosi
  • 1,5 choyqoshiq jelatin
  • 500 ml qaymoq
  • 50 gr qand upasi
  • 250 ml sut
  • 4 dona tuxum sarig‘i
  • 2 oshqoshiq kartoshka kraxmali
  • 3 oshqoshiq shakar
  • 1 dona vanil tayoqchasi
  • 500 gr marsipian
  • 80 gr sariyog‘
Tayyorlanishi:

1. Tuxum sarig‘i shakar, kraxmal va vanil urug‘lari bilan birga ko‘pirtiriladi. Sut qizdirib olinadi, asta-sekinlik bilan tuxum sarig‘i ustidan quyiladi. Aralashma olov ustiga qaytarilgach, ichiga sariyog‘ solib, aralashtirgan holatda massa quyuqlashguniga qadar qaynatib turiladi. Krem toza idish ichiga solinadi, usti plyonka bilan yopiladi va sovutgich ichiga joylab qo‘yiladi.


2. Jelatin ikki oshqoshiq issiq suvga solib ivitiladi va shu holatda to‘liq eriguncha qoldiriladi. Ko‘pirtirilgan qaymoq qand upasi bilan aralashtiriladi. Ikki oshqoshiq massa eritilgan jelatin ichiga solinadi va yaxshilab aralashtiriladi. Hosil bo‘lgan massa asta-sekinlik bilan ko‘pirtirilgan qaymoqning qolgan qismi ichiga quyilgach, ko‘pirtirish davom ettiriladi.


3. Birinchi korj ustiga murabbo va qaymoq yupqa qilib surtiladi. Ustidan ikkinchi korj yopiladi. Uning yuza qismiga esa vanilli krem hamda ko‘pirtirilgan qaymoq surtib chiqiladi.


4. Qaymoqqa gumbaz shakli beriladi. Ustidan yupqa korj joylashtirilgach, tort dumaloq shaklga keltiriladi. Chetlariga qaymoq surtiladi, biskvitning har bir qismi qaymoq bilan to‘liq qoplangan bo‘lishi lozim. Ana shunda marsipian ham yaxshi yopishadi.


5. Tayyor tort yashil marsiapian bilan qoplangach, ustki qismi atirgullar bilan bezatiladi va qand upasi sepib qo‘yiladi.

Yoqimli ishtaha!

Kokos-bananli keks

Yaqinlaringizni hushbo'y va mazali shirinlik bilan mexmon qilmoqchimisiz? U holda e'tiboringizga nozik va mazali keks retseptini taqdim etamiz. Taomnoma uchun yangilik. Tayyorlanishi juda ham oddiy. Ushbu retseptni albatta tayyorlang!...

O'zbekcha Paxlava

E'tiboringizga mashhur Sharq shirinligi retseptini taqdim etamiz. Juda ham mazali bo'lgan shirinlik hattoki shirinlikni hushlamaydiganlarning e'tiboridan ham chetda qolmasligi aniq. Ushbu shirinlik kechki ovqatdan so'ng shak-shubxasiz desert o'rnini egallashi turgan gap....

Shokolad tayyorlash resepti - sut va kakaodan oddiy shirinlik, bosqichlari + foto

Aslida uy sharoitida haqiqiy shokolad tayyorlash oson vazifa emas. Axir, shokoladning muhim tarkibiy qismi bo’lgan kakao yog’ini har qanday do’kondan xarid qilib bo’lmaydi....

Tvorogli zapekanka

Tvorogni hushlamaydigan bolajonlar uchun ajoyib tanlov. Nafaqat bolajonlar balki, kattalar uchun ham juda ma'qul bo'ladi. Har qanday dasturxondan o'zining yorqin o'rnini egallaydi. Nozik va mazali ushbu zapekankani yaqinlaringiz uchun tayyorlang!...

Shokoladli glazur

Turli xil pishiriq va shirinliklarni bezatishda glazurning o’rni katta. Shokoladli glazur tayyorlashda ba’zi bir tavsiyalarga amal qilinsa, u oqib ketmaydi, pishiriqqa mustahkam o’rnashadi....

Olmali pirog

Bugun sizlarga Svetaevning olmali pirogini tayyorlashni o'rgataman. Uni tayyorlashni xatto, pazandalikni endi o'rganayotgan uy bekasi xam bemalol pishira oladi. Pirog recepti juda xam oddiy. Tayyorlash uchun ko'p vaqt ketmaydi....

Turkcha biskvit

Ko'rkam va yumshoq. E'tiboringizga Turk oshxonasining retseptlaridan birini taqdim etamiz. Har qanday tort uchun ajoyib tanlov. Tayyorlanishi oddiy, natijasi sizni lol qoldirishi turgan gap....

Pechenya "Kivi"

Stol ustida bunday qiziqarli, hushbo'y va mazali pechenyalarni ko'rgan bolajonlar hayratdan lol qolishlari turgan gap. Aziz bekajonlar tez tayyorlanadigan mazali pechenyalarni tayyorlagan zaxotingizdayoq ular o'z-o'zidan g'oyib bo'lish hususiyatiga ham ega. Shu sababli pechenya retseptini saqlab qolishni unutmang!...

Qora shahzoda shirinligi

Qatiqga soda va uksusni solib, achitib qo'yamiz.  Idishda tuhum va shakarni oppoq bo'lgunicha ko'pirtiramiz. Salat yog'i, qavartma, kakao ketma-ketlikda solinib, ustidan achigan qatiqni solib, aralashtiramiz. Aralashmamiz suyuq kashasimon bo'lgunicha un qo'shiladi. Duhovka listiga ozgina margarin surtib, aralashmani ikkiga bo'lib, qizigan...

Olmali pirog tayyorlash retsepti - sharlotka, klassik variantlari, maslahatlar

Olmali pirog tayyorlash retseptlari juda ko’p. Biroq, eng ko’p xush ko’rib iste’mol qilinadiganlari sanoqli. Biz maqolada ikkita eng mashhur piroglar retseptini ko’rib chiqamiz....

Fikr qo'shish