Antarktida to'g'risida ko’pchilik bilmagan qiziqarli faktlar

1820 yil yanvar oyida Taddey Bellingshauzen va Mixail Lazarev boshchiligidagi rus ekspeditsiyasi Antarktidani kashf etdi, uning mavjudligi haqida ilgari ham taxmin qilingan edi. Bugun biz siz uchun eng chekka janubiy qit'a - yer yuzidagi eng baland, eng quruq, shamolli, aholisi kam va eng sovuq joy haqidagi qiziqarli hamda kam ma'lum bo'lgan faktlarni to'pladik.

Bir paytlar Antarktidada aql tishlari va ortig’i olib tashlanmaganlar uchun ishlash imkonsiz edi. Antarktida stantsiyalarida jarrohlik operatsiyalari o'tkazilmaganligi sababli, bu yerda ishlash uchun avval ushbu tanasi qismlaridan, hatto ular butunlay sog'lom bo'lsa ham voz kechish kerak edi.

Antarktida yer yuzidagi eng quruq joy. To'g'rirog'i, bu yerda joylashgan quruq Mak-Merdo vodiylari, ularning ayrim hududlari ikki million yildan beri yomg'ir yoki qorni ko'rmagan.
Ko'pgina mamlakatlar singari Antarktida ham Internetda o'z domeniga ega -.aq

53 million yil oldin Antarktida shu qadar iliq ediki, uning qirg'og'ida palma daraxtlari o'sib chiqardi va havo harorati Selsiy bo'yicha 20 darajadan yuqori edi.
1960 yildan 1972 yilgacha Antarktidadagi birinchi atom elektr stantsiyasi AQShga tegishli bo'lgan eng yirik aholi punkti va tadqiqot markazi bo'lgan Mak-Merdo stantsiyasida ishladi.

2013 yil dekabr oyida “Metallica” Antarktidada kontsert berdi va shu tariqa dunyodagi barcha qit'alarda chiqish qilgan birinchi guruh bo'ldi. Mahalliy faunani bezovta qilmaslik uchun konsert maxsus himoya gumbaz ostida o'tkazildi va tomoshabinlar quloqchinlar orqali musiqa tinglashdi.

Antarktidaning o'ziga xos o't o'chirish punkti mavjud. Bu Mak-Merdo stantsiyasiga tegishli bo'lib, u yerda eng haqiqiy o't o'chiruvchilar ishlaydi.

Ekstremal sharoitga qaramay, Antarktidada zamburug'larning 1150 turi topilgan. Ular juda past haroratlarga, uzoq vaqt muzlash va erishga mukammal moslashadi.
Antarktidada oq ayiqlar yo'q. Ularni ko'rish uchun siz Shimoliy qutbga yoki, masalan, Kanadaga borishingiz kerak bo'ladi.

Antarktidada bar bor - sayyoramizning eng janubidagi bar. Va u Ukrainaga tegishli bo'lgan "Akademik Vernadskiy" stantsiyasida joylashgan.
Yer yuzida qayd etilgan eng sovuq harorat - minus 89,2 daraja Selsiy - Antarktidada Rossiyaning Vostok stantsiyasida 1983 yil 21 iyulda qayd etilgan.

Antarktida - dunyodagi beshinchi yirik materik. Uning hududi 14 million kv.kmni tashkil qiladi.
Antarktidaning 99%i muz bilan qoplangan.

Antarktidadagi o'rtacha muz qalinligi 1,6 km. Antarktida yer yuzidagi barcha chuchuk suvlarning taxminan 70 foizini o'z ichiga oladi.
Transantarktika tog'lari butun qit'ani bosib o'tib, uni g'arbiy va sharqiy qismlarga ajratadi. Ushbu tog’ tizmasi dunyodagi eng uzun tog' tizmalaridan biri - uning uzunligi 3500 km.

Antarktida qit'asining mavjudligi 1820 yilda kashf etilgan paytgacha noma'lum edi. Ungacha bu shunchaki orollar guruhi deb taxmin qilingan edi.
1911 yil 14-dekabrda norveg tadqiqotchisi Roald Amundsen Janubiy qutbga yetib borgan va o'z millati bayrog'ini o'sha yerda ko'targan birinchi odam bo'ldi.

1959-yil 1 dekabrda o'tkazilgan maxfiy muzokaralar natijasida Antarktika mintaqasini demilitarizatsiya qilish va undan faqat tinch maqsadlarda foydalanishni nazarda tutgan 12 mamlakat Antarktika shartnomasini imzoladilar. Bugungi kunda 50 dan ortiq davlatlar Shartnomaning ishtirokchilaridir.
1978 yil 7-yanvarda argentinalik Emilio Markos Palma dunyoga keldi – u Antarktidada tug'ilgan tarixdagi birinchi shaxs. Ushbu voqea Antarktika hududining bir qismiga bo'lgan huquqlarni talab qilish uchun homilador ayolni Esperanza stantsiyasiga maxsus yuborgan Argentina hukumati tomonidan rejalashtirilgan harakat deb ishoniladi.