Radio haqidagi qiziqarli ma'lumotlar

Bir paytlar radio ixtirosi butun insoniyat taraqqiyotini ancha rivojlantirdi. Yuzlab kilometr uzoqlikdagi odamlar bilan aloqada bo'lish qobiliyati armiyadan tortib to sanoatgacha bo'lgan sivilizatsiyaning barcha sohalariga eng foydali ta'sir ko'rsatdi. Anglaganingizdek, ushbu maqolamiz radio haqidagi bir qancha qiziqarli faktlarga bag’ishlanadi.

Rossiyada 7-may kuni nishonlanadigan unutilmas radio kuni mavjud.

So'rov natijalariga ko'ra, Rossiyadagi barcha radio havaskorlarning deyarli to'rtdan uch qismi radiolarni faqat mashinada tinglashadi.

1917 yilda Rossiyani larzaga keltirgan Oktyabr inqilobi birinchi siyosiy voqea bo'lib, u haqida ma'lumot radioaloqa orqali uzatildi.
Internetdagi birinchi radiostansiya (Internet Talk Radio) o'z faoliyatini 1993 yilda boshlagan.

Dunyoda Bird Song Radio kabi qiziqarli radiostantsiya mavjud. Unda faqat taniqli ingliz ornitologi tomonidan lentada yozilgan qushlar kuylarining yozuvlari bor.

Mashhur boshlovchi Levitanning ko'p avlodlar uchun radio eshittirishlari Buyuk Vatan urushi ovoziga aylandi. Dastlab ular yozilmaganligi sababli, keyinroq, urush tugaganidan 5 yil o'tgach, ular tarixiy qadriyatlari tufayli yangitdan yozib olingan.

"Xaker" so'zi va konsepsiyaning o'zi radio tufayli paydo bo'ldi. Birinchi xakerlar mahfiy radiostansiyalarda parollarni tanlab, buzib tashlagan odamlar edi.

1930 yilda,18 aprelda, u paytgacha mavjud bo'lgan "Bi-bi-si" radiosida kun bo'yi musiqa yangrab, radio tinglovchilarini sarosimaga solib qo'ydi. Keyinchalik, radiostansiya ma'muriyati o'sha kuni shunchaki qiziqarli yangiliklar yo'qligini tushuntirdi.

Radio uzatgich ixtirochisi taniqli serbiyalik olim Nikola Tesla.
Bugungi kunga qadar dunyodagi eng mashhur radio-o'yin 1938 yilda AQShda H. Uellsning "Dunyolar urushi" asari edi. Unda marsliklarning hujumi haqida xabar bergan. Ko'p odamlar hujumga ishonishdi, vahima boshlandi va haqiqat oshkor bo'lgach, politsiya shou tashkilotchilarini g'azablangan olomonning qirg'inidan arang qutqardi.

Parijning ramzi bo'lgan Eyfel minorasi o'rnatilgandan yigirma yil o'tib demontaj qilinishi rejalashtirilgan edi, chunki u o'sha paytda Fransiya poytaxtida bo'lib o'tgan Butunjahon ko'rgazmasi uchun barpo etilgan edi. Biroq, radio uni qutqarib qoldi - ma'lum bo'lishicha, minora antennalarni joylashtirish uchun juda qulay edi.
Dunyodagi birinchi radiogrammani 1896 yilda Aleksandr Popovga ya’ni radioni ixtiro qilgan odamga yuborishgan. U faqat ikkita so'zdan iborat edi - "Geynrix Xertz".

2009 yilda birinchi marta ba'zi bakteriyalar radio to'lqinlarining manbalari bo'lishi mumkinligi taxmin qilingan edi. Keyinchalik olib borilgan tadqiqotlar va tajribalar bu taxmin ayni haqiqat ekanligini tasdiqladi.