Sajdai tilovat haqida
بِسْـــــــــــــمِ اللهِ الرَّحْمَنِ الرَّحِـــــــــــــيم
Bismillahir rohmanir rohim!
📚Sajdai tilovat haqida.
Qur’ondagi sajda oyatlarining birini o‘qigan va eshitgan kishiga sajda qilishlik vojib bo‘ladi. Qur’onda 14 yerda sajda oyatlari bor:
1. A’rof surasi, 206.
2. Ra’d surasi, 15.
3. Nahl surasi, 49.
4. Isro surasi, 109.
5. Maryam surasi, 58.
6. Haj surasi, 18.
7. Furqon surasi, 60.
8. Naml surasi, 26.
9. Sajda surasi,15.
10. Sod surasi, 24.
11. Fussilat surasi, 37.
12. Najm surasi, 62.
13. Inshiqoq surasi, 21.
14. ʼAlaq surasi, 19.
Agar bir kishi bir o‘tirganida bu sajda oyatlaridan birini ikki va undan ko‘p marta o‘qisa bir sajda vojib bo‘ladi.
Agar bir o‘tirganida ikki, uchta suradagi sajda oyatlarini o‘qisa nechta suradaligini o‘qisa shuncha sajda qilishlik vojib bo‘ladi, masalan ikki suradagi ikki sajda oyatini o‘qisa ikki marta sajda vojib bo‘ladi.
Eshitish ham o‘qiganga o‘xshash: bir o‘tirganida bitta sajda oyatni bir necha marta eshitsa bir sajda vojib bo‘ladi, ikki o‘tirishda eshitsa ikki sajda vojib bo‘ladi.
Qur’on o‘qiyotganda faqat sajda oyatini o‘qimasdan qoldirib ketishlik makruhdir. Lekin sajda oyatiga yana 2 3 ta oyat qo‘shib o‘qimasdan qoldirishlik mumkin.
Sajda oyatini atrofdagilar eshitishi mumkin bo‘lsa maxfiy o‘qishlik mustahabdir.
Tilovat sajdasi qilinishi tartibi:
1. Niyyat.
2. Allohu Akbar deb takbir aytmoqlik va sajdaga ketmoqlik.
3. Sajdada Subhana Robbiyal ʼalaa deb eng oz 3 marta tasbeh aytishlik (Bitta sajda qilinadi).
4. Qa’da (namoz oxiridagi o‘tirish) da o‘tirib quyidagi duoni o‘qimoqlik:
Sajjattu lirRohmaani va amantu birRohmaani vag‘firliy zunubii ya Rohman. Sami’na va ato‘na g‘ufronaka Robbana va ilaykal masiyr - sajda qildim Rohmanga va imon keltirdim Rohmanga, gunohlarimni kechirgin, ey Rohman. Eshitdik va itoat qildik Robbimiz, Uning saridir qaytishligimiz.
Tilovat sajdasining 7 ta sharti bor:
1. Namozda bo‘lgandek tahoratli bo‘lishlik;
2. Badani;
3. libosi;
4. O‘rni pok bo‘lishi;
5. Avrati bekitilgan bo‘lishi;
6. Qiblaga qarab turishlik;
7. Niyat qilmoq.
Bu sajdada takbirda qo‘l ko‘tarmoq va ruku’ qilmoq lozim emas. Balki qiyomda turib yoki o‘tirib niyat qilinadi va to‘g‘ri sajdaga ketiladi. Bu sajdani sajda oyatini o‘qigandan keyin namoz o‘qishlik makruh bo‘lmagan paytda qilish lozimdir. Lekin sajda oyati o‘qilgach bir necha soat yoki bir necha kundan keyin sajda qilsa ham durust, lekin ko‘p ham kechiktirmagan afzal.
Agar bu sajda oyatlari namoz ichidagi qiroatda o‘qilsa sajda oyatidan keyin odatiy ruku’ qilinsa alohida sajda qilmaydi, o‘sha odatiy ruku’ kifoya qiladi.
Agar imom namoz ichida sajda oyatini o‘qisa va shundan keyin ruku’ga ketmasa sajda qiladi va muqtadiylar ham imom bilan sajda qiladilar.