Tasbehlar namozi

Payg‘ambarimiz sollallohu alayhi va sallam kunlarning birida amakisi Abbos roziyallohu anhuga shunday dedi: «Ey amakim Abbos! Senga bir mukofot beraymi? Senga bir yaxshi narsa aytaymi? Seni 10 narsaning egasi qilib qo‘yaymi? Agar sen o‘shani bajarsang, unda Alloh Taolo sening avvalgiyu keyngi, eskiyu yangi, bilib va bilmay qilgan, kichkinayu katta, yashirin va oshkora qilgan gunohlaringni hammasini kechiradi. Bu ish 4 rakat nafl namoz (tasbeh namozi deb niyat qilib) o‘qimoqlik. Har bir rakatda Fotiha va zam surasi o‘qilganidan keyin rukudan oldin «SubhanAllohi valhamdulillahi va laa ilaaha illallohu vallohu akbar»deb 15 marta o‘qimoq, keyin rukuda shu so‘zlarni 10 marta o‘qimoq, rukudan turganida 10 marta so‘ng sajdada 10 marta, sajdadan o‘tirganda 10 marta so‘ng sajdada 10 marta, sajdadan turganda yana 10 marta hammasi bo‘lib 75 marta bo‘ladi. Shu tariqa har bir raka’tda 75 martadan o‘qiladi. Agar qo‘lingdan kelsa shu namozni kuni sayin bir martadan o‘qigin. Agar unday qilolmasang har juma kuni bir marta o‘qi, agar unday qilolmasang bir oyda bir marta o‘qi, agar unday qilolmasang bir yilda bir marta o‘qigin. Mabodo uni ham qilolmasang bir yilda bir marta o‘qigin. Mabodo uni ham qilolmasang u holda hech bo‘lmasa umringda bir marta bo‘lsa ham o‘qigin»-dedi.(Abu Dovud).