Yig‘lamang sevgi haqida she'r
Armon bo‘lib qolsam bag‘ringiz g‘ashlab,
Dilingiz og‘ritar so‘zlarim boshlab.
Ketar bo‘lsam agar dunyoni tashlab,
Yig‘lamang men uchun ko‘zingiz yoshlab!
Kim uchun suyanchiq bo‘lgan qalqonman,
Sizni bir yuqlamay qo‘ygan yomonman,
Yig‘lamang men uchun ko‘zingiz yoshlab!
Besh kunlik dunyoni omonat biling,
Insonsiz insonga yaxshilik qiling.
Qo‘lingizni ochib duolar qiling!
Yig‘lamang men uchun ko‘zingiz yoshlab!
Tong chog‘i shabnamdek gullarga qo‘nsam,
Yuzingizga tomgan yomg‘irda bo‘lsam.
Sog‘insangiz tunlar tushlarga kirsam!
Yig‘lamang men uchun ko‘zingiz yoshlab!