Qiyin bo‘ldi sevgi haqida she'r

Yetmadi bir orzu-tilakka,
Bo‘lindi ming bitta bo‘lakka,
Menga emas, mendan xam ko‘proq,
Qiyin bo‘ldi, sho‘rlik yurakka.

Faqat seni deb urar edi,
Bir seni yahshi ko‘rar edi,
O‘zini xam, meni xam yedi,
Qiyin bo‘ldi, sho‘rlik yurakka.

So‘zlaringa o‘rganib qoldi,
O‘z ichiga o‘zi dard soldi,
Yolg‘onlaring ichra yo‘qoldi,
Qiyin bo‘ldi, sho‘rlik yurakka.

Yuragimga sevma degandim,
Azob chekib yurma degandim,
Aqlsizga aql bergandim,
Qiyin bo‘ldi, sho‘rlik yurakka.

Sevmayman deb aytdi, endi xech,
Pichoq borib tegdi, suyakka.
Hatosini anglab yetdi, kech,
Qiyin bo‘ldi, sho‘rlik yurakka.

Kimligingni bilmay sevdi u,
Aytganimni qilmay sevdi u,
Endi chekar bir umr qayg‘u,
Qiyin bo‘ldi, sho‘rlik yurakka.