Kechikdim sevgi haqida she'r

Tushlarimda qo‘lingni tutar qo‘lim,
Ta’birini o‘ylab yomon ichikdim.
Meni uzoq kutgan eding sevgilim,
Afsusdaman, yigirma yil kechikdim.

Nomunosib hamrohlardan bezganda,
Sarsonlikda har ko‘chani kezganda,
Topdim diya o‘zim baxtli sezganda,

Olisdaman, yigirma yil kechikdim.

Uxlamoqni sevar edim azaldan,
Ne toparding, xunukkina go‘zaldan,
Endi najot izlab she’ru g‘azaldan,
Devonaman, yigirma yil kechikdim.

Yaxshiman deb chalg‘itdilar yomonlar,
Uzatdilar gul yozug‘lik xazonlar,
Olib otsam, sachradilar tikonlar,
Azobdaman, yigirma yil kechikdim.

Nega meni izlamading ertaroq,
Uchratmasam bo‘larmidi yaxshiroq,
To qiyomat hamrohim endi firoq,
Do‘zaxdaman, yigirma yil kechikdim.