Yig‘layotgan qiz sevgi haqida she'r

Yig‘layotgan qiz


Bu og‘ir bog‘ ichra og‘ir qadamlar
Tashlab ketayotgan og‘irgina qiz,
Dunyo ko‘zlaringdan dunyo alamlar
Tomchilar, har biri bir ulkan yulduz.

Tomchilar ko‘zingdan norasidalik,
So‘zga aylanmagan yonish tomchilar.
Beshafqat diydormi og‘ir judolik,
Yo‘qotish tomchilar, topish tomchilar.

Yo‘q, seni aldagan, birov aldagan,
U seni sevgandir, yo‘q, yo‘q, sevmagan.
Ko‘ksingga chiroyli o‘qlar qadagan,
Birovlar aldagan, birov aldagan.

Tomchilar ko‘ksingdan kelayotgan kuz,
Og‘ular tomchilar, gullar tomchilar.

Yaqin xotiralar… idrok faromush,
Vijdoningni o‘yib urar tomchilar.

Vijdonsiz nomusli niqobin qo‘ymas,
Vijdonning har dami ruhiy iztirob.
Vijdonsiz xatosiz kunlardan to‘ymas,
Vijdon bu xatodan ulg‘aygan azob.

Seni yupatmoqqa jur’at yo‘q menda,
Sen mening kechmishim, umrim bo‘lagi.
Faqat men qayg‘ular tilarman senga,
Kattakon quvonchning unsiz o‘lanin!

Aldanmoq tilarman senga ko‘p marta,
Aldanmoq — dunyoga nazar, anglamoq.
Aldanmoq — ko‘z yoshi qilmoq, yo‘q, artmoq,
Aldanmoq — kurashga otlanmoq demak.

Yig‘lamoq tilarman, qaynab yig‘lagin,
Tishlaringni sekin qayrab yig‘lagin!

O‘nta mard o‘g‘loning bo‘lguncha yig‘la!
Yuzta mard o‘g‘loning bo‘lguncha yig‘la!
Mingta mard o‘g‘loning bo‘lguncha yig‘la!
Paymonang to‘lguncha, to‘yguncha yig‘la!

Ular lazzatxo‘rlar, qaroqchilardir,
Umrlari uzun, sob bo‘lmas, esiz!
Bu dunyo — aslida aldoqchilardir!
Bu dunyo — aslida yig‘layotgan qiz!

Men senga qo‘shilib yig‘lay olmasman,
Faqat bosh egaman qaygungga so‘zsiz.
Men senga talpinib, aslo tolmasman,
Men seni sevaman, yig‘layotgan qiz!

O'shanda ham sevasanmi

Sendan yiroq yursam ham, Goh o'ynatib kulsam ham, Yo beparvo bo'lsam ham, O'shanda, ham sevasanmi......

U xohlagan...

U xohlagan hamma narsani bera olmasligim mumkin, lekin, o’zimda borining hammasini bera olaman!...

Sen bilan baxtliman...

Sen bilan bahtliman, bahtliman ishon, Yurakda jo'sh urar sevgi to'lqini. Biroq yuragimga solar g'alayon, Yo'qotib qo'yishdan qo'rqaman seni......

Sevdim o'zim

Sevdim o'zim Sevdi ko'zim Yurakdagi So'ngi so'zim......

Biroz telbaman

Biroz telbaman, biroz aqlli, Biroz mag'rur, Biroz bechora! Biroq juda oshiqman....

Seni sevganlarim yodinga tushsin

Kimnidir sog'inib yolg'iz qolganingda, Seni sevganlarim yodinga tushsin. Qismating oldida ojiz qolganda, Meni kuyganlarim yodinga tushsin......

Men seni sevardim, sevaman hamon

Yo‘q seni unitmoq emasdur oson. Qalbimni o‘rtaydi hali ham hijron. Yurakda bir tuyg‘u uradi hamon, Men seni sevardim, sevaman hamon....

Sevgi bilan ogrisa dil

Sevgi bilan ogrisa dil Dori bilan davolanmas bil Agar shunday bulmasin desang O'z sevginga vafodorlik qil...

Ba'zilar sevadi qora qosh uchun

Ba'zilar sevadi qora qosh uchun, Ba'zilar sevadi uzun soch uchun. Ba'zilar sevadi shirin so'z uchun, Xamisha sevmoq kerak toza qalb uchun....

Oshiq yurak uchun xijron bo'lmasin

💞Oshiq yurak uchun xijron bo'lmasin 💞Ishq manzil ahtarib sarson bo'lmasin. 🌹Har kim baxtli bo'lsin o'z yori bilan 🌹Muxabbat hechkimga armon bo'lmasin.....

Izohlar 2

  1. Офлайн
    Gulhayo
    Gulhayo 7 ноября 2023 18:21
    O'ta go'zal
  2. Офлайн
    Iroda
    Iroda 22 февраля 2022 07:19
    Juda ajoyib

Fikr qo'shish