Zuho namozi va uning fazilati

Zuho namozi va uning fazilati
Zuho namozi va uning fazilati


Rasululloh sallollohu alayhi va sallam aytdilar: "Kimki o‘n ikki rakaat zuho namozi o‘qisa, Alloh unga jannatda oltindan bir qasr bino qilgaydir".

(Termiziy, Ibn Moja, Bayhaqiy, Tabaroniy, Bazzor va Ibn Abu Osim rivoyat qilishgan.)

Yuqoridagi hadis quyidagi ko‘rinishda ham rivoyat qilingan:

"Kim ikki rakaat zuho namozi o‘qisa, g‘ofillardan deb yozilmaydi. Kim to‘rt rakaat zuho namozi o‘qisa, qanoatlilardan deb yoziladi. Kim olti rakaat zuho namozi o‘qisa, u o‘sha kun uchun unga kifoya qiladi. Kim sakkiz rakaat zuho namozi o‘qisa, Alloh taolo uni obidlardan deb yozib qo‘yadi. Kim o‘n ikki rakaat zuho namozi o‘qisa, u odam uchun Alloh jannatda bir uy barpo qiladi".

Abu Hurayra roziyallohu anhudan rivoyat qilinadi: «Menga Xalilim sallollohu alayhi vasallam uch narsani vasiyat qilganlar: har oyda uch kun ro‘za tutmoqni, ikki rakaat choshgoh–zuho namoz o‘qishni va uxlashimdan oldin vitr namozini ado etmog‘imni».

(Buxoriy, Muslim, Nasoiy rivoyat qilishgan. Xuddi shu hadisni Abu Dardo roziyallohu anhu ham rivoyat qilganlar.)

Abu Sa’id al-Xudriy roziyallohu anhudan rivoyat qilinadi: «Nabiy sallollohu alayhi va sallam zuho namozini (ba’zi kunlar) shunday (uzluksiz) o‘qir edilarki, biz hatto, endi bu namozni hargiz tark qilmaydilar, derdik. Ba’zan esa shunday o‘qimay tashlab qo‘yar edilarki, biz hatto, endi bu namozni hargiz o‘qimaydilar, derdik».


(Termiziy va Ahmad rivoyat qilganlar. Termiziy hasan-g‘arib deganlar.)

Zuho namozi necha rakaat?

Abu Hurayra roziyallohu anhudan rivoyat qilinadi:
«Rasululloh sallollohu alayhi va sallam bunday dedilar: «Kimki ikki rakaat zuho namozini muntazam o‘qisa,
gunohi dengiz ko‘piklaricha bo‘lsa ham, kechirilgaydir».

(Termiziy, Ibn Moja, Ahmad va Is'hoq rivoyat qilganlar.)

Abu Burayda roziyallohu anhudan rivoyat qilinadi:
"Rasululloh sallollohu alayhi va sallam «Har bir insonda 360 ta bo‘g‘in bo‘lib, har bo‘g‘in uchun sadaqa berishi lozim»,- dedilar. Shunda sahobalar: «Ey Rasululloh, bunga kimning kuchi yetadi»,- deyishdi. Rasululloh: «(Buning o‘rniga) ikki rakaat zuho namoz o‘qisangiz kifoya qiladi»,- dedilar".

(Abu Dovud, Ahmad, Ibn Hibbon, Ibn Xuzayma, Abu Ya’lo va Abu Nu’aym rivoyat qilishgan.)

Abu Zar roziyallohu anhudan rivoyat qilinadi:
"Rasululloh sallollohu alayhi vasallam: «Sizlarning har bir a’zoingizga sadaqa vojibdir. Har bir tasbihingiz («Subhaanallooh» deb aytish) – sadaqa, har bir hamd («Alhamdulillaah» deb aytish) – sadaqa, har bir tahlilingiz («Laa ilaaha illallooh» deb aytish) – sadaqa, har bir takbiringiz («Alloohu Akbar» deb aytish) – sadaqa, yaxshilikka buyurishingiz – sadaqa, yomonlikdan qaytarishingiz – sadaqa. Endi bularning hammasi uchun ikki rakaat zuho namoz o‘qishingiz kifoyadir»,- dedilar".

(Imom Muslim rivoyati.)

Oisha roziyallohu anhodan rivoyat qilinadi:
"Rasululloh sallollohu alayhi vasallam zuho (choshgoh) namozini to‘rt rakaat o‘qir edilar. Alloh xohlaganicha undan ham ziyoda qilaverardilar".

(Imom Muslim rivoyati.)

Ummu Honi’ binti Abu Tolib roziyallohu anhudan rivoyat qilinadi:
"Makka fathi kuni Rasululloh sallollohu alayhi vasallam huzurlariga borsam, yuvinayotgan ekanlar. Qachonki, yuvinib bo‘lganlaridan keyin sakkiz rakaat namoz o‘qidilar. Ana shu zuho namozi edi".

(Imom Buxoriy va Muslim rivoyati.)

Xulosa shuki, zuho namozining eng kami ikki rakaat va eng ko‘pi o‘n ikki rakaatdir. Vallohu a’lam.

Zuho namozining vaqti quyosh to‘la chiqqandan taxminan 15 daqiqa o‘tgach boshlanadi va peshin vaqti kirishidan 10 daqiqa avval tugaydi. Eng afzal vaqti – peshin vaqti kirishidan 30-45 daqiqa avvalgi vaqtdir.
Duoda eslang...

Kuchlikdan ham kuchli bor

Judayam chiroyli, qomatlari kelishgan yosh qiz kuchli, gavdali, navqiron yigit bilan ketayotgan edi. Ulardan oldinroqda, keksa, qaltiroq kasalga chalingan chol zo‘rg‘a gandiraklab yurib borardi....

Qaytmaydi...

Vaqt topib saytga kirasiz, siz sevgan profil o'chiq... Ko'k chiroq yonishini intizorlik bilan kutasiz, lekin uu yoq......

Endigina olti yoshga to‘lgan o‘g‘limning

Endigina olti yoshga to‘lgan o‘g‘limning berilib rasm chizayotganini ko‘rib qiziqqancha yoniga bordim: -O‘g‘lim nimaning rasmini chizyapsan? -Sizni, oyimni va o‘zimni, — nigohlarini menga qadadi u....

Amerika polisiyasi

Amerikaga endi kelgan vaqtimda eskiroq mashinada yurardim. O'zbekistondan olgan xaydovchilik guvoxnomam bilan. Uch......

JANNAT QIZI…

Bir… Ikki… Uch… Yuzgacha sanasam, uyquga ketaman… Qirq… Qirq bir… Ha, uyqu meni hammasidan qutqaradi… Ellik uch… Ellik to'rt… Men abadiy uyquga ketaman… Abadiy uyqu — barcha zahmatlarim uchun berilgan mukofot…...

Niyatim amalga oshganidan afsusdaman

Yaratgan sizga farzand ato etadi, biroq uning jinsini siz rejalashtirolmaysiz, xatto u sog'lom tug'iladimi-yo'qmi, buniyam bilish mushkul masala. Atrofga nazar tashlab, butkul soppa-sog' odamlar xam nogiron, biron joyi kemtik farzandlar ko'rishganining guvoxi bo'lganman. Bunga balki qandaydir sabablarni ro'kach qilib ko'rsatish mumkindir (masalan,...

Bir kechalik kelin

To'y juda chiroyli o'tdi. Taomlar ko'pligidan stol oyoqlari sinay derdi. Musiqachiyu honandalar almashaverib to'yhonani qizdirdilarki! Pullar sochildi. Xamma samimiylik bilan baht tiladi. Gullar, sharlar, raqslar. Koncertga aylanib ketdi to'y xam. Xammaning og'zida to'yning xashamatli bo'lgani muxokamasi. Kuyov uyiga borishganda xam raqs, o'yin...

TATAR KAMPIR…

Etmishdan o'tgan, uzoq yillik bel og'rig'i qaddini egib qo'ygan Nina xolaning uch xonali kvartirasi xorij musiqasi, qichqirib sakrayotgan mast-alast erkak, ayollarning dupur-dupuridan zir titrardi. Nina xola balkonning bir chetida mung'ayib o'tirgan ko'yi o'zicha g'udranib qo'yardi. — Iloyim yer yutsin senday kelinni!.. Bilaman, Marat o'g'limni...

Kuydirgandim, o'zim kuydim...

Shahnoza, seni juda ko'rgim kelyapti. Yolg'izlik iskanjasida qiynalyapman. Sovuq borliqni o'z zabtiga olgan. Yana men yomon ko'rgan sovuqlar boshlandi....

ISHID (ИГИЛ) HAQIDA “KALLAKESAR…” NOMLI HAYOTIY HIKOYA (2-qism)

TUTQUNDA «Mana shu yerdan jilmasligim kerak, — o'yladi Mehmonali uyoqdan-buyoqqa qo'llarida zil-zambil sumkalar bilan o'tib turgan yo'lovchilarga zimdan boqib. — Tursam, kimdir egallab qo'yadi. Undan keyin qaerda mizg'iyman. Ertaga mardikorlikka chiqishim zarur. Aks holda ochdan o'lish hech gapmas....

Fikr qo'shish