Namoz tugaganda o'qiladigan duo

Namoz tugaganda o'qiladigan duo
Namoz tugaganda o'qiladigan duo


Savbon roziyallohu anhudan rivoyat qilinadi:
Rasululloh sollallohu alayhi vasallam namozni tugatsalar, uch marta «Astag‘firulloh», deb so‘ngra:

اللهُمَّ أَنْتَ السَّلاَمُ وَمِنْكَ السَّلاَمُ تَبَارَكْتَ يَا ذَا الْجَلاَلِ وَالإِكْرَامِ

«Allohumma antas salam va minkas salam, tabarokta ya zal jalali val ikrom», deb aytar edilar.

(Ma’nosi: Ey Allohim, Sen salomsan va salom Sendandir. Ey ulug‘ va hurmatli zot, Sen barakotlisan.)

Imom Muslim rivoyatlari.

* Mug‘iyra ibn Sho‘’ba roziyallohu anhudan rivoyat qilinadi:
Rasululloh sollallohu alayhi vasallam namozdan forig‘ bo‘lsalar:

لاَ إِلَهَ إِلاَّ اللهُ وَحْدَهُ لاَ شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، اللهُمَّ لاَ مَانِعَ لِمَا أَعْطَيْتَ وَلاَ مُعْطِيَ لِمَا مَنَعْتَ وَلاَ يَنْفَعُ ذَا الْجَدِّ مِنْكَ الْجَدُّ
«La ilaha illallohu vahdahu la shariyka lahu, lahul mulku va lahul hamdu va huva ’ala kulli shayin qodir. Allohumma la mani’a lima a’toyta va la mu’tiya lima mana’ta va la yanfa’u zal jaddi minkal jadd»ni o‘qir edilar.

(Ma’nosi: «Allohdan o‘zga iloh yo‘q, Uning sherigi ham yo‘q. Mutlaq mulk Uniki va hamd ham Ungadir. U har narsaga qodirdir. Ey Rabbim, Sen bergan narsani man’ qiluvchi yo‘q. Va Sen man’ qilgan narsani beruvchi yo‘q. Buyuklik Sendandir, boshqaning buyukligi foyda bermaydi.)

Imom Buxoriy va Muslim rivoyatlari.

Abu Hurayra roziyallohu anhudan rivoyat qilinadi:
Rasululloh alayhissalom:
«Kim har bir namoz so‘ngida o‘ttiz uch martadan «subhanalloh, alhamdulillah, Allohu akbar», deb yuzinchisini

لاَ إِلَهَ إِلاَّ اللهُ وَحْدَهُ لاَ شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ

«La ilaha illallohu vahdahu la shariyka lah, lahul mulku va lahul hamdu va huva ’ala kulli shayin qodiyr», deb aytsa, gunohlari dengiz ko‘pigicha bo‘lsa ham, kechiriladi», dedilar.

Imom Muslim rivoyatlari.

* Muoz roziyallohu anhudan rivoyat qilinadi:
Rasululloh sollallohu alayhi vasallam mening qo‘llarimdan ushlab: «Ey Muoz, Allohga qasamki, men seni yaxshi ko‘raman va senga har namoz so‘ngida

اللهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ

«Allohumma a’inniy ’ala zikrika va shukrika va husni ’ibadatik»ni aytishni tavsiya qilaman», dedilar».

(Ma’nosi: Ey Allohim, Seni zikr etishda, Senga shukr qilishda va ibodatingni go‘zal bajarishda menga yordam ber.)

Abu Dovud va Nasaiy rivoyatlari.

* Abu Bakra roziyallohu anhudan rivoyat qilinadi:
Rasululloh sollallohu alayhi vasallam namoz so‘ngida:

اللهُمَّ إِنِّي أَعُوذُ بِكَ مِنَ الكُفْرِ وَالفَقْرِ وَعَذَابِ القَبْرِ

«Allohumma inniy a’uzu bika minal kufri val faqri va ’azabil qobr», deb aytar edilar.

(Ma’nosi: Allohim, kufrdan, kambag‘allikdan va qabr azobidan Sendan panoh tilayman.)

Ibn Sunniy rivoyatlari.

Juma kunining sirlari

Juma kunining boshqa kunlardan afzallik jihatlari juda ko‘p. Ulardan biri shuki, juma kuni aynan juma namozi uchun g‘usl qilib, namozga ertaroq kelgan, namoz va masjid odoblariga rioya qilib namoz o‘qigan bandaning har bir qadamiga bir yillik namoz va ro‘zaning savobi beriladi....

Birinchilar

— Islomdagi birinchi Qibla – Baytul Maqdis. — Birinchi musulmon shoir — Hasson ibn Sobit Ansoriy roziyallohu anhu. — Madinada muhojirlardan birinchi vafot etgan inson – Usmon ibn Maz’un roziyallohu anhu......

Insoniyat dunyoga keltirgan eng buyuk aql

Insoniyat dunyoga keltirgan eng buyuk aql sohibi G‘arb da’vo qilganidek Eynshteyn emas, balki, Abu Rayhon Beruniydir.  Abu Rayhon Beruniy tibbiyot, falsafa, ximiya, fizika, matematika, geologiya, astronomiya, tarix, dorishunoslik, geografiya, filologiya-tarjima fanida olim hamda geodeziya ilmining asoschisi bo‘lgan. ...

Qabrda bo‘ladigan savol javoblar

1)Robbing kim? -Robbimiz Alloh 2)Dinning qaysi? -Dinim Islom! 3)Payg‘ambaring kim? -Payg‘ambarim Muhammad (S.A.V)! 4)Kitobing qaysi? -Kitobim Qur'oni Karim! 5)Tilaging nima? -Tilagim iymon!......

Nima uchun avvalo namoz deyilgan?!

Namoz – Qiyomat kuni bandani birinchi hisob kitob qilinadigan amali. Namoz – fahsh va munkar ishlardan qaytaradi......

Yaxshisi, gunoh qilmang!

Yaxshisi, gunoh qilmang! Alloh gunohlarni kechiradi, lekin yozilgan yeridan o‘chirmaydi. Hatto qiyomat kuni egasiga bir bor ko‘rsatib qo‘yiladi, garchi u tavba qilgan bo‘lsa ham. Bilol Ibn Sa’d...

Qur'onda zikr etilgan qalb turlari

Alloh taolo Qur’oni karimda qalbning bir qancha turlarini zikr etgan. Jumladan:...

Mo‘minlarning iymoni komilrog‘i

Abu Hurayra roziyallohu anhu Nabiy sollallohu alayhi vasallamdan rivoyat qiladi: «Mo‘minlarning iymoni komilrog‘i, xulqi yaxshirog‘idir. Sizlarning yaxshilaringiz, xotinlariga yaxshilik qiladiganlaringizdir». Abu Dovud va Termiziy rivoyatlari...

Qurt tushgan olma hikmati

Luqmoni Hakimning farzandi o‘ziga nomaqbul do‘stlarni ulfat bilibdi. Ular bilan bordi-keldini ko‘paytirib borishi xar qanday ota singari Luqmoni Hakimning ham g‘ashini keltiribdi......

Oxirat hovlisi silsilasi: O‘LIM (12/12)

Anas roziyallohu anhudan rivoyat qilingan hadisda Rasululloh sollallohu alayhi va sallam aytganlar: «Alloh taolo dedi: Ey Odam bolasi, madomiki sen Menga duo qilib, Mendan umidvor turar ekansan, gunohing qanaqa bo‘lishdan qat’iy nazar, (ularning ko‘pligiga ham) parvo qilmasdan mag‘firat etaman......

Fikr qo'shish